सुनसरीमा सरोकारवालाहरुले सन् २०१५ सम्ममा सुनसरी जिल्लालाई खुल्ला दिशा मुक्त क्षेत्र घोषण गर्ने लक्ष्य लिएको थियो । लक्ष्य भन्दा दुई वर्षबढी हुन लाग्दा समेत अभियान कार्यक्रम अझै सकिएको छैन् । सुनसरीको अझै पनि केही साविकका गाविस खुला दिशा मुक्त घोषणा गर्न बाँकी नै रहेको अवस्थामा खुला दिशा मुक्त क्षेत्र घोषणा भई सकेका साविकका गाविसहरुमा निर्माण गरिएको शौचालयहरु भत्किएर प्रयोग बिहिन बनेपछि कार्यक्रमलाई चुनौती थपिएको देखिन्छ ।
सरकारी योजना अनुसार यहाँ घोषणा कार्यक्रमलाई प्रभावकारी बनाउने लक्ष्य लिएको भएपनि सुनसरीमा अधिकांस खुल्ला दिशामुक्त क्षेत्र घोषणा गरेको गाउँमा खुल्ला रुपमा दिसा पिसाब गरिरहेको श्रीपुरका चन्दन यादव बताउँछन् । सिएसडिसि सुनसरी तथा वेल् नामक संस्था र जिल्ला खानेपानी तथा सरसफाई डिभिजन कार्यालय सुनसरी लगायत बिभिन्न सरकारी निकायको सहकार्यमा संचालित खुला दिशामुक्त अभियान प्रभावकारी बनाउनका लागि अनुगमन हुनुपर्नेमा सरोकारवालाहरुले जोड दिएका छन् ।
