विवेकशील साझाले तोक्यो कांग्रेसको उम्मेदवार !

  • प्रकाशित मितिः माघ १०, २०७४
  • 1215 पटक पढिएको
  • समय अनलाइन

१० माघ, काठमाडौं । नेपाली कांग्रेसले राधेश्याम अधिकारीलाई प्रदेश ३ को खुलाबाट राष्ट्रियसभा सदस्यको उम्मेदवार बनायो । उनी कांग्रेस कार्यकर्ता मात्र होइनन्, वरिष्ठ अधिवक्ता पनि हुन् र कांग्रेसकै कोटामा दुबै संविधानसभामा मन्त्रिपरिषदबाट मनोनित सभासद पनि बने ।तर, यो पटक भने कांग्रेसभन्दा विवेकशील साझा पार्टीको रोजाइका कारण अधिकारीले राष्ट्रियसभा सदस्यको टिकट पाएको नेताहरुले बताएका छन् ।

विवेकशीलले कुनै पनि स्थानीय तहको प्रमुख उपप्रमुख जितेको छैन । प्रदेशतर्फ ३ मा समानुपातिकतर्फ ३ सिट पाएको छ अर्थात उसँग १४४ (४८×३) मत छ । र, राष्ट्रियसभामा कांग्रेसलाई समर्थन गर्ने निर्णय गरेको छ ।

स्रोतका अनुसार कांग्रेसले विवेकशील साझाकै चाहनामा राधेश्यामलाई टिकट दिएको हो ।

वार्ताकारहरुका अनुसार विवेकशील साझाले केदारभक्त माथेमालाई उम्मेदवार बनाउन प्रस्ताव गरेको थियो । तर, माथेमाले उम्मेदवार हुन मानेनन् । त्यसपछि विवेकशील साझाका नेताहरुले ‘तपाईहरुले यस्तो उम्मेदवार उठाउनुस्, जसलाई हामी ले पनि भोट दिन सकियोस्’ भने ।

कांग्रेस नेताहरुको प्राथमिकतामा काठमाडौं सभापति सबुज बानिया र भक्तपुरका सभापति दुर्लभ थापाको थिए । यो नाम विवेकशील साझाले मानेन ।

बरु प्राध्यापक कृष्ण खनाललाई अघि सारे । तर, खनाल स्वयंमले उम्मेदवार बन्न नचाहेपछि राधेश्याम अधिकारी र नरहरि आचार्यको नाम आयो । विवेकशीलले स्वीकार गर्ने भएपछि राधेश्यामले टिकट पाए ।

विवेकशील साझाले पनि आफूहरुको सर्त स्वीकार गर्दै अधिकारीलाई उम्मेदवार बनाएकाले समर्थन गर्ने बताएको छ । पार्टीका प्रवक्ता सूर्यराज आचार्यद्वारा जारी विज्ञप्ति गरी कांग्रेसलाई समर्थन गर्ने बताएका छन् ।

प्रदेश ३ को महिलातर्फ भने कांग्रेसले धना खतिवडालाई टिकट दिएको छ । विवेकशील साझाले महिला उम्मेदवारबारे सर्त नराखेकाले कृष्ण सिटौलाको समूहको कोटामा उनले टिकट पाएको एक नेताले बताएका छन् ।

प्रतिक्रिया दिनुहोस

समय नेटवर्क मिडिया प्रा.लि. इटहरी उपमहानगरपालिका, सुनसरी, कोशी, नेपाल

फोन नं.: ९८४२५५३५५५, ०२५–५८७३८४

मोबाइल नं.: 9842553555

सूचना विभाग दर्ता नं.: 1366/75-76

प्रेस काउन्सिल दर्ता नं.: 663/2075-076

इमेल: [email protected] / [email protected] / [email protected]


समय नेटवर्क मिडिया प्रा.लि द्वारा संचालित टिमहरु

अध्यक्ष

नारण प्रसाद तिवारी (सानु)

प्रबन्ध निर्देशक

जीवन फुयाल

प्रधान सम्पादक

हेमराज दाहाल

सम्पादक

निशा निरौला

कार्यकारी सम्पादक

हेमन्त खड्का

फोटो पत्रकार

नविन बस्नेत

बाजार व्यवस्थापक

सागर भट्टराई

उर्लावारी संवाददाता

किरण निरौला

बेलबारी संवाददाता

हिमांशु राय

धनकुटा संवाददाता

नगेन्द्र फुयाल

डेस्क रिपोटर

रमेश लुइटेल(अवि)

लेखक

विरेन्द्र कार्की

सल्लहकार

सन्देश श्रेष्ठ, आकाशहाङ लिम्बु, बलराम आचार्य, रियन्द्र गुरागाई, विकास भट्टराई, तेजबहादुर पुरी, डा. राजेन्द्र पोखरेल, देशबन्धु कार्की

कम्पनी दर्ता प्रमाणपत्र नं.: २०५७२३/७५/७६ / स्थायी लेखा नं.: ६०६५२१६७९

Copyright © 2017 / 2024 - Samayaonline.com All rights reserved