इटहरीमा यौन शिक्षासम्बन्धि अभिमूखिकरण सम्पन्न

इटहरी - वृहत यौन शिक्षा सम्बन्धि अभिमूखिकरण कार्यक्रम आज सम्पन्न भएको छ ।

हुडेप नेपालको आयोजना तथा राईट हेयर राईट नाउको सहयोगमा सम्मन्न भएको उक्त कार्यक्रममा वृहत यौन शिक्षा सम्वन्धी रेडियोकर्मीहरुका लागि अभिमुखीकरण आयोजना गरिएको थियो ।

कार्यक्रममा सहभागीहरुलाई यौन शिक्षाका विषयमा प्रकास कार्कीले सहजिकरण गरेका थिए भने पत्रकार महासंघ सुनसरीका अध्यक्ष अमर खड्काले यौन र यौनका विषयबस्तुलाई गहन रुपमा उठान गरेर समाजको सकारात्मक परिवर्तन हुने समाचार लेखनमा पत्रकारहरुको ध्यान जानु पर्ने वताए ।

कार्यक्रमका प्रमुख अतिथी रामधुनी नगरपालिकाका नगरप्रमुख जयप्रकास चौधरीले यौन र यौन आत्मसंतुष्टीसंग जोडिएको बिषय भएको हुदा यि बिषयलाई खुलेर सञ्चार माध्यमहरमा उठान गर्न सञ्चारकर्मीहरुलाई सुझाव दिएका थिए।

त्यसै गरी आयोजक संस्थाका अध्यक्ष डिल्ली कार्कीले यौनका विषयमा संकुचीत सोचका कारण समाजमा नकारात्मक असर परिरहेको वताए ।