काठमाडौं । संघीय समाजवादी फोरमले नेपाल कम्युनिस्ट पार्टी (ने क पा)सँग पार्टी एकताको हल्ला निराधार रहेको भन्दै विज्ञप्ति निकालेर खण्डन गरेको छ ।
सञ्चारमाध्यम र सामाजिक सञ्जालमा ने क पा र फोरमबीच एकता हुने हल्ला चल्न थालेको भन्दै पार्टी अध्यक्ष उपेन्द्र यादवले विज्ञप्तिमार्फत् ने क पासँग तत्काल एकता सम्भवै नभएको जिकिर गरेका हुन् ।
“विगत केही दिनयता विभिन्न सञ्चारमाध्यम र सामाजिक सञ्जालहरुमा संघीय समाजवादी फोरम नेपाल र ने क पाबीच पार्टी एकीकरण हुन लागेको भनि प्रचारित समाचारहरुप्रति हाम्रो गम्भीर ध्यानाकर्षण भएको छ । संघीय समाजवादी फोरम नेपालको गत वैशाख २१ गते सम्पन्न केन्द्रीय कार्यसमितिको बैठकले नीति, सिद्धान्त र विचार मिल्ने दलसँग एकीकरण गर्न सकिने निर्णय गरेको छ । तर, यसबीच फोरम नेपाल र ने क पाबीच एकीकरणको सन्दर्भमा तत्काल कुनै पनि सम्भावना नरहेको अवस्थामा पनि पार्टी एकीकरण हुन लागेको भन्दै सुनियोजित ढंगले जनतामा भ्रम सिर्जना हुनेगरी प्रचार गरिँदैछ,” विज्ञप्तिमा उल्लेख छ ।
“तथ्यहीन ढंगले आइरहेका गलत समाचारले भ्रम फैलाउन र जनतामा गलत सन्देश दिने नियतले प्रचारित यस्ता प्रायोजित एवं निराधार समाचारहरुमा कुनै सत्यता नरहेको तर्फ पनि सम्पूर्ण पार्टी पंक्ति र आमजनतालाई स्पष्ट पार्न चाहन्छौं,” विज्ञप्तिमा भनिएको छ ।
प्रतिक्रिया दिनुहोस
कम्पनी दर्ता प्रमाणपत्र नं.: २०५७२३/७५/७६ / स्थायी लेखा नं.: ६०६५२१६७९
Copyright © 2017 / 2024 - Samayaonline.com All rights reserved