नेपालमा विश्व आदिवासी दिवस आन्दोलनको रुपमा मनाइँदै

काठमाण्डौ – अगष्ट ९ अर्थात ‘विश्व आदिवासी दिवस’लाई आदिवासी जनजाति महासंघले नेपालमा आन्दोलनको रुपमा मनाएको छ । 

महासंघका अनुसार यस पटकको २५ औँ विश्व आदिवासी दिवसलाई आन्दोलनको रुपमा सडकमै मनाइएको हो । लोक सेवा आयोगले लिने निजामती कर्मचारीको भर्ना संविधानअनुरुप नभएको भन्दै त्यसैको विरोध गर्दै महासंघले दिवसलाई सडकमै मनाएको हो ।

साताव्यापी रुपमा मनाइरहेको आदिवासी दिवसलाई महासंघले सडकमै मनाएको अध्यक्ष जगत बरामले जानकारी दिनुभयो । महासंघले शुक्रबार बिहान भृकुटीमण्डपमा भेला भएर जुलुससहित माइतीघर मण्डलामा पुगेर कार्यक्रम गरेको थियो ।  

कार्यक्रममा सांस्कृतिकसँगै परम्परागत आदिवासी जनजातिका हातहतियार समेत प्रर्दशन गरेर दिवस मनाइएको अध्यक्ष बरामले जानकारी दिनुभयो ।