इटहरी । इटहरी–१६ बालग्राममा भ्यानको ठक्करबाट एक पुरुषको मृत्यु भएको हो ।
इटहरीबाट इनरुवा जाँदै गरेको को १ ज ३६६० नम्बरको भ्यानले गएराती पैदलयात्रीलाई ठक्कर दिँदा उनको घटनास्थलमै मृत्यु भएको इलाका प्रहरी कार्यालय पकलीले जनाएको छ ।
प्रहरी निरीक्षक जितेश दाहालका अनुसार बाटो क्रस गर्ने क्रममा अन्दाजी ४० बर्षीय पुरुषलाई ठक्कर दिँदा उनको घटनास्थलमै मृत्यु भएको हो । ‘उहाँलाई चिन्ने मान्छे कोही पनि सम्पर्कमा आउनु भएको छैन’, दाहालले भने, ‘शवको पहिचान नभएकाले अहिले जिल्ला अस्पतालमा राखिएको छ ।’
भ्यान चालक बराहक्षेत्र नगरपालिका–२ चतराका २५ वर्षीय रबिन दुलाललाई प्रहरीले नियन्त्रणमा लिएको छ ।
प्रतिक्रिया दिनुहोस
कम्पनी दर्ता प्रमाणपत्र नं.: २०५७२३/७५/७६ / स्थायी लेखा नं.: ६०६५२१६७९
Copyright © 2017 / 2024 - Samayaonline.com All rights reserved