खोटाङको राजापानीका दिनेश सुनारले ‘पार्कर’ विधामा गिनिज बुक अफ वर्ल्ड रेकर्डमा ह्याट्रिक अर्थात् तेस्रो पटक नाम लेखाएका छन् । गिनिज बुकको अफिसियल वेभसाइटले उनको नाम दर्ता गराएको जानकारी दिएको छ, प्रमाणपत्र आउन बाँकी छ ।
दुई पटकसम्म नाम लेखाएपछि आफू कार्यरत सशस्त्र प्रहरी बलले वास्ता नगरेपछि सुनारले अघिल्लो महिना राजीनामा दिएका छन् । उनले अब यहि पार्कर विधामा नै नेपालको नाम उच्च बनाउने लक्ष्य लिएका छन् ।
यसरी गिनीज बुकमा एकै विधामा तीन पटक वर्ल्ड रेकर्ड राख्ने सुनार सम्भवतः पहिलो नेपाली हुन् । पछिल्लो पटक सुनाले ‘द मस्ट ट्विस्टिङ ब्याक फ्लिप्स वाल इन ३० सेकेन्ड’मा सबैको रेकर्ड तोडेर नाम लेखाएका हुन् ।
आधा मिनेटमा १२ पटकको विश्व रेकर्ड कायम गरेको उल्लेख छ । उनी भन्छन्,‘विश्वमा परिचय स्थापित गराउने व्यक्तिगत चाहना भन्दा पनि मुलुकको नाम दाखिल होस् भन्ने महत्वकांक्षा थियो, अहिले गर्वले छाती चौडा भएको छ ।’
उनको यहि कला देखेर वर्ल्ड फ्रि रनिङ पार्कर फेडेरेशनले अमेरिकामा निम्तो गरेपछि केही समय फ्लोडिरामा बसेका थिए । पार्कर भनेको जिम्न्यास्टिक खेल जस्तै सहासिक र चुनौतिपूर्ण खेल हो ।
सुनार थप्छन्,‘अब विश्वसामु नै आफ्नो खेलको परिचय स्थापित गराउन मन छ, नेपालमा यस विषयमा अझ प्रभावकारी ढंगले बुझाउनुपर्ने देखिएको छ ।’
सशस्त्र प्रहरी बलले मात्र नभई सरकारले पनि उनको खेललाई खासै महत्वका साथ लिएको देखिएन जबकि, यहि विधामा उनले पटक–पटक नाम लेखाइसकेका थिए । सुरुका दिनमा संगठनले केही गर्लाजस्तो राखे पनि ३७ हजार सशस्त्र प्रहरी कर्मचारीमा पहुँच र प्रभाव राख्न सक्ने उनको आधार थिएन ।
प्रहरी जवानको पदमा १० बर्षसम्म जागिर खाए तर संगठनले खासै वास्ता नगरेपछि राजीनामा दिएका उनी जोड्छन्,‘तर पनि नेपालको सुरक्षा क्षेत्रमा म जस्ता निक्कै छन्, केही सहयोग र सपोर्ट अवश्य पाउँछन् भन्ने विश्वासचाहिँ छ ।’
प्रतिक्रिया दिनुहोस्
प्रतिक्रिया दिनुहोस
कम्पनी दर्ता प्रमाणपत्र नं.: २०५७२३/७५/७६ / स्थायी लेखा नं.: ६०६५२१६७९
Copyright © 2017 / 2024 - Samayaonline.com All rights reserved