पोखराको न्युरोडमा भीषण आगलागी

पोखरा - पोखराको न्युरोड स्थित नवदुर्गा फर्निचर उद्योगमा भीषण आगलागी भएको छ। मंगलबार दिउँसो साढे चार बजेको समयमा सुरु भएको आगलागी अझैं पनि नियन्त्रणमा आउन नसकेको बताइएको छ।

आगो नियन्त्रणका लागि प्रहरी र सशस्त्र प्रहरी लागिपरेका छन्। प्रहरी र महानगरपालिकाको तीन वटा दमकलबाट आगो नियन्त्रणको प्रयास भइरहेको छ। के कारणले आगलागी भयो भन्ने विषयमा केही विवरण आएको छैन।