नेपाली काङ्ग्रेस द्वारा अग्नि पिडित लाई राहत वितरण

 

हिमांशु राय
बेलबारी मोरङ - २०७६ भदौ २ गते सोमवार,

मोरङको बेलबारी वार्ड नम्वर ११, लक्ष्मीमार्ग को महेन्द्र राजमार्ग हाईवोय परिसर माथिल्लो चौकको उत्तर खण्डको आवदी सुकुम्बासी बस्ती क्षेत्रमा मिति २०७६ साउन २१ गते साँझ करिव ८ बजेको समयमा आकस्मिक सुजन राईको घरमा बिजुलीको तार सर्ट भई आगलागी हुँदा छिमेकी दिलमाया लिम्बू, कुमार वि. क. को घरमा आगोलागी भएको थियो।
अचानक ठूलो धुवाँको मुस्लो यत्रतत्र फैलिएपछी बस्तीका सबै मानिसहरु घटना स्थलमामा जम्मा भई दन्किरहेको आगोलाई नियन्त्रण मा लिन धेरै प्रयास पछी सफल भएको प्रत्यक्ष दर्शी हरुले बताए।
आगोले सुजन राई , दिलमाया लिम्बू र कुमार वि. क. को घरमा रहेका लत्ताकपडा , सिलिण्डर , खाधन्न , पशु चौपाया र पुरै घर समेत जलेर नष्ट हुँदा करिव १६ लाख बराबरको क्षति भएको ईलाका प्रहरी कार्यालय बेलबारी द्वारा जानकारी प्राप्त भएको हो।
यो दु:खद घटना प्रती गहिरो सहानुभूति प्रकट गर्दै " एक नेपाली लाई पर्दा अर्को नेपाली ले सहायता गर्नुपर्ने , एकछिमेकी लाई पर्दा अर्को छिमेकीले संरक्षण गर्नुपर्ने धारणा राख्दै दु:ख मा परेका अग्निपिडितहरुलाई रत्ति विचलिन नहुन शान्तवना दिदै आज मिति २०७६ भदौ २ गते सोमवारको दिन राहत वितरण एक कार्यक्रम को आयोजना गरि नेपाली काङ्ग्रेस पार्टी मोरङ क्षेत्र नं.३, क्षेत्रिय कार्यसमिति पदाधिकारीहरु, नेपाल तरुण दल मोरङ क्षेत्र नं.३, ने. वि. संघ ,नेपाल महिला संघ, नेपाली काङ्ग्रेस बेलबारी नगर कार्यसमिति, बेलबारी वार्ड नम्वर ११,नेपाली काङ्ग्रेस वार्ड पार्टी लगायतको संयुक्त पहलमा अग्नि पिडितहरुलाई घरमर्मत को लागी ८१ थान जस्तापाता तथा आवाश्यक सर सामाग्री साथै दामासायी रुपले आर्थिक सहयोग नगद रु २२ हजार ३०० सय का दरले राहत सहयोग उपल्ब्ध गराएको हो।