काठमाडौं, भदौ ४ : सञ्चारकर्मी रवि लामिछानेकी पत्नी निकिता पौडेलले दुई पत्रकार र चितवनका एसपीविरूद्ध दिएको उजुरी लिन प्रहरीले अस्वीकार गरेको छ।
रविको मुद्दामा विद्युतीय प्रमाण कीर्ते गरेको भन्दै प्रेस काउन्सिलका कार्यवाहक अध्यक्ष किशोर श्रेष्ठ, नेपाल आजका सम्पादक संकेत कोइराला र चितवन प्रहरी प्रमुख एसपी दानबहादुर मल्लविरूद्ध उजुरी दिन निकिता बुधबार महानगरीय प्रहरी परिसर टेकु पुगेकी थिइन्।
तर, प्रहरीले आफ्नो क्षेत्राधिकारभित्र नपर्ने भन्दै चितवन जान निकितालाई सुझाव दिएको छ। पुडासैनीको आत्महत्या प्रकरण, बाहिरिएको भिडियो र आरोपीहरुमाथि चितवन प्रहरीले नै छानविन गरिरहेकाले काठमाडौंबाट हेर्न नमिल्ने भएकाले चितवन नै जान सुझाव दिइएको महानगरीय प्रहरी परिसरका प्रहरी उपरीक्षक अशोक सिंहले जानकारी दिए।
पत्रकार शालिकराम पुडासैनीको आत्महत्या प्रकरणमा पक्राउ परेका सञ्चारकर्मी रविसहित तीन जना प्रहरी हिरासतमा छन्। उनीहरूलाई पत्रकार पुडासैनीको आत्महत्यासम्बन्धी भिडियोका आधारमा पक्राउ गरिएको थियो।
प्रहरीमा उजुरी दिँदै रवि पत्नी निकीता पाैडेल।
प्रहरीमा उजुरी दिँदै रवि पत्नी निकीता पाैडेल।
प्रतिक्रिया दिनुहोस
कम्पनी दर्ता प्रमाणपत्र नं.: २०५७२३/७५/७६ / स्थायी लेखा नं.: ६०६५२१६७९
Copyright © 2017 / 2024 - Samayaonline.com All rights reserved