नेकपा इटहरीभित्रको विवाद, लाग्यो कार्यालयमा ताला

इटहरी । नेपाल कम्युनिष्ट पार्टी (नेकपा) इटहरीको कार्यालयमा तालबन्दी गरिएको छ । नेकपा इटहरीको कमिटी समायोजन गर्दा अपारदर्शि र मापदण्ड विपरीत तरीका अपनाइएको भन्दै पूर्व एमाले क्षेत्रीय कमिटी सदस्य सुजन लामाको नेतृत्वको टोलीले तालाबन्दी गरेका हुन् ।

उनीहरूले सूचना नै प्रकाशित गरी तलाबन्दी गरिएको जानकारी दिएका छन् । इमान्दार र प्रतिबद्ध कार्यकर्तालाई उपेक्षा गरेर गरिएको समायोजनको निर्णय सच्याउन माग गरिएको छ ।मापदण्ड पुगेका इमान्दार कार्यकर्तालाई पार्टीमा राख्नुपर्ने उनीहरुको माग छ । मागहरू पूरा नभएसम्म तालबन्दी नखुल्ने बताइएको छ ।

कमिटि बन्दा देखि विवाद भए पनि बाहिर आएको थिएन । तर पार्टी भित्रको आन्तरीक विवाद तालाबन्दी सम्म पुगेको छ ।