इटहरी । टुरिष्ट भिसामा नेपाल आएका एक टर्कीज नागरिकलाई गैरकानूनी रुपमा बैदेशिक रोजगारीका लागि टर्की लैजाने भन्दै युवाहरुसंग अन्तरवार्ता लिने क्रममा इटहरी प्रहरीले पक्राउ गरेको 
छ ।
टुरिष्ट भिसामा नेपाल आएका टर्कीज नागरिक एडेन ओस्कानलाई बैदेशिक रोजगारीमा जान चाहने युवाहरुको अन्र्तरवार्ता लिने क्रममा पक्राउ गरिएको इलाका प्रहरी कार्यालय इटहरी प्रहरी नायव उपरिक्षक शिवकुमार श्रेष्ठले जानकारी दिएका हुन । १५ दिनका लागि पर्यटक भिसामा नेपाल आएका ओस्कान मास्टर जब मेनपावरको नाममा अन्तरवार्ता लिन इटहरी आइपुगेका थिए । मगंलवार पक्राउ गरिएका टर्कीज नागरिक ओस्कान सहित अन्तरवार्ता लिन भन्दै काठमाडौंवाट आएका बासु अधिकारी , सुरेश खड्का ,प्रकास परियार सहित सो मेनपावरका लागि स्थानीय प्रतिनिधिका रुपमा काम गर्ने नविन थपलिया, प्रदिप खत्री, राजेन्द्र इंनाम र उमेश खड्का समेत पक्राउ परेको प्रहरी नायव उपरिक्षक श्रेष्ठले जानकाी दिए । पक्राउ परेका आठै जनालाई बैदेशिक रोजगार विभागमा अनुसन्धान र कारवाहीका लागि पठाइएको श्रेष्ठले वताए ।
