बैद्धिक सनातान हिन्दु धर्म राष्ट्रिय जागरण अभियान ईटहरीद्वारा गौहत्याको बिरोध

जीवन फुयाल इटहरी/ बैद्धिक सनातान हिन्दु धर्म राष्ट्रिय जागरण अभियान ईटहरी सुनसरीले बिरेन्द्रनगरको कटुकवा भन्ने जंगलको भिरबाट गाई गोरु खसालेर हत्या गरेको भन्दै बिरोध गरेको छ। अभियानले बिहिबार प्रमुख जिल्ला अधिकारी मार्फत प्रधानमन्त्रीको कार्यालयमा ज्ञापन पत्र पठाउँदै यसको बिरोध गरेको हो।

ज्ञापन पत्रमा पटक पटक नेपाली संस्कार धर्म, पहिचान, माथि भएको घटनाको निरन्तरता स्वरुप कटकुवा जंगलको भिरबाट झारेर गौ हत्या गरिएको भन्दै गौ हत्याको बिषयमा फर्केर हेर्नुपर्ने समय आएको उल्लेख छ।

ज्ञापनपत्रमा भाद्र १३ गते नेपालगञ्जको काञ्जी हाउसमा भएका सयौ गाइलाई अन्यत्र व्यवस्थापन गर्ने कठोर सोचले गर्दा ट्रक ढुवानी गर्ने क्रममा बिरेन्द्रनगरको कटुकवा भन्ने जंगलको भिरबाट खसाली हत्या गरिएकोमा यो सत्य हैन दुर्घटना हो भनिएकोमा यसको यर्थाथ केहो सत्य तथा छानबिन गरि हिन्दु धर्म माथिको घातक आक्रमण गर्नेलाई कारवाही गर्न जोडदार माग गर्दछौ भनिएको छ।

बिज्ञप्तीमा गौमातालाई व्यवस्थापन गर्न एक ठाउ देखि अर्को ठाउ सार्ने होईन अव प्रत्येक नगरमा गौशाला निर्माण गर्न सरकारको ध्यान जाओस र घटनाको सत्य छानमिन गरी सुनियोजित तरिकाबाट भएको धर्म माथिका प्रहारलाई दोशी पत्ता लगाई कडा कारवाही गरियोस भनी जोडदार माग गर्दछौ भनिएको छ।