सवारी दुर्घटना हुँदा २६ घाइते, तीन जना गम्भीर

रामधुनी । इटहरी उपमहानगरपालिका अन्तरगत पकलीको कान्छी चौक महेन्द्र राजमार्गमा रहेको जालपा पेट्रोल पम्प अगाडि सवारी दुर्घटना हुँदा २६ जना घाइते भएका छन् । जसमा तीन जना गम्भीर अवस्थामा रहेका छन् ।

सोमबार दिउँसो करिब ४ बजे भएको दुर्घटनामा पूर्वबाट पश्चिम जाँदै गरेको को १ ज २८३५ नम्बरको म्याजिक र विपरित दिशाबाट आउँदै गरेको को २ ह ५९३ नम्बरको ट्याम्पो एक आपसमा ठोक्किँदा ट्याम्पो र म्याजिकमा करिब सवार २६ जना घाइते भएको प्रहरी कार्यालय पकलीले जनाएको छघाइते मध्ये ३ जना गम्भीर अवस्थामा रहेको इलाका प्रहरी कार्यालय पकलीका प्रहरी निरीक्षक जितेश दाहालले जानकारी दिए । उनका अनुसार घाइतेको इटहरी स्थित एपेक्स अस्पातलमा उपचार भइरहेको छ ।

गम्भीर घाइते भएकाहरुलाई वीपी कोइराला स्वास्थ्य पतिष्ठान धरान र विराटनगरस्थित न्युरो अस्पातल पठाएको पकलीले जानकारी दिएका छन । घटनाबारे थप अनुसन्धान भइरहेको प्रहरीले जनाएको छ ।