इटहरीमा राप्रपाको जागरुक अभियान

राष्ट्रिय प्रजातन्त्र पार्टी दिनानुदिन जनतामाझ लोकप्रिय बन्दै गइरहेको छ। पछिल्लो समय देशमा भैरहेका सिमा बिबाद, हिन्दु राष्ट्र तथा राज सस्थाको माग जस्ता राष्ट्रिय एजेन्डा बोकेको राप्रपाको जनता सामु चर्चा बढ्दै गएको छ।
राप्रपाले आफ्ना नेता तथा कार्यकर्तालाई जागरुक बनाउने क्रममा इटहरीमा कार्यकर्ता प्रशिक्षण कार्यक्रम सम्पन्न गरेको छ। इटहरी राप्रपा नगर कमिटीद्वारा आयोजित प्रशिक्षण कार्यक्रममा ५० जना भन्दा बढी कार्यकर्तालाई प्रशिक्षण दिइएको थियो। सो कार्यक्रममा राप्रपा सुनसरी जिल्ला सचिब खेम ओझा सहित गणेश गौतम र नबिन थापाले प्रशिक्षण दिनु भएको हो।
अब देशमा काँग्रेस र कम्युनिस्टहरुको विकल्पको रुपमा राष्ट्रिय प्रजातन्त्र पार्टी रहेको र यसको महत्त्व जनतामाझ बुझाउन यस्ता प्रशिक्षण कार्यक्रम गर्नु पर्ने प्रशिक्षक ओझाले बताउनु भयो। इटहरी १७ जनजागृती माबिमा भएको प्रशिक्षण कार्यक्रमको मुख्य बिषयबस्तु भने राप्रपाको आगामी नीति तथा कार्यक्रमको बारेमा रहेको थियो।