धरान उपमहानगरपालिकाको उपनिर्वाचनमा मेयरका लागि २३ जनाले उमेद्वारी दर्ता भएको छ । प्रमुख राजनीतिक दल नेकपा, कांग्रेस, समाजवादीलगायतका दलको तर्फबाट १३ र स्वतन्त्रका १० गरी २३ जनाले उमेद्वारी दर्ता गरेको हो ।
धरान उपमहानगरपालिकाको रिक्त रहेको मेयर पदका लागि नेकपाका तर्फबाट प्रकाश राईले उमद्वारी दर्ता गराएका छन । त्यस्तै कांग्रेसका तिलक राईले उम्मेदवारी दर्ता गरेका हुन । समाजवादीका गजेन्द्रबहादुर लिम्बु, संघीय लिम्बुवान मञ्च नेपालका अमर इजम र साझा पार्टीका राजनकुमार श्रेष्ठले उमेद्वारी दर्ता गराएका छन् ।
उमद्वारी दर्ता गर्नका लागि मुख्यदल नेकपा र कांग्रेसले शक्ति प्रदर्शनसमेत गरेका छन्। नेकपाका प्रदेश इन्चार्ज भीम आचार्यलगायतका केन्द्रीय नेतासहित प्रकाश राई निर्वाचन कार्यालयमा उपस्थित भएका थिए । कांग्रेस उपसभापति विजयकुमार गच्छदारसहित तिलक राईले धरानको मेयर पदका लागि उम्मेदवारी दर्ता गराए ।
नेकपाका प्रकाशले उपनिर्वाचनमा आफ्नो जित सुनिश्चित भएको दाबी गरेका छन्। उनले नेकपाको संगठन मजबुत र मतदाता नेकपाकै पक्षमा बढी रहेका कारण चुनावी नतिजा आफ्नो पक्षमा हुने उनको दाबी छ ।
कांग्रेसका तिलक राईले पटक–पटक नेकपाले धरानको नेतृत्व गर्ने अवसर पएको भए पनि उल्लेखनीय काम गर्न नसकेका कारण धरानका जनताले परिवर्तन चाहेकाले चुनाव आफूले जित्ने दाबी गरे ।
यता धरान उपमहानरपालिका वडा नम्बर ७ को रिक्त रहेको वडाअध्यक्षका लागि चार जनाले उम्मेदवारी दर्ता गराएका छन । धरानका तत्कालीन मेयर तारा सुब्बा र वडा नम्बर ७ का भुवन भोक्तानको निधन भएपछि मंसिर १४ गते उपनिर्वाचन हुन लागेको हो ।
तर्सियो नेकपा
धरानमा नेपाली काग्रेसले मेयर पदको मनोनयन दर्ता गर्दा जादा शक्ति प्रर्दशन गरेको छ । मनोनयन दर्ता गर्ने हजारौ कार्यकर्ताहरु ढोल झ्याम्टा सहित मनोनयन दर्ता गर्ने ठाउँमा पुग्दा एमालेको किल्ला भनेर चिनिएको धरानमा नेकपा तर्सिएको छ ।
नेकपा भन्दा अगाडी मनोनयन दर्ताको लागि तामझामको साथ ¥याली देखेर नेकपाका नेताहरु तर्सिए एक एमालेका पूर्व नेताले भने । धरानको भानुचौक देखि बरगाछी सम्म नेपाली काग्रेसको हजारौ कार्यकर्ता देखिए । काग्रेसको हजारौ कार्यकर्ताहरु सडकमा आएको यो पहिलो पटक भएको भन्दै नेताहरुले खुसी ब्यक्त गरेका थिए ।
केन्द्र देखि आएको नेताहरुले काग्रेस जनसमर्थन देखेर मख्ख छन ।
प्रतिक्रिया दिनुहोस
कम्पनी दर्ता प्रमाणपत्र नं.: २०५७२३/७५/७६ / स्थायी लेखा नं.: ६०६५२१६७९
Copyright © 2017 / 2024 - Samayaonline.com All rights reserved