धरान। दिवंगत स्बर्गिय मेयर तारा सुब्बाको श्रीमती इन्दु राई सुब्बाले नेपाली कांग्रेसका मेयरका उमेद्वार तिलक राईलाई आशिर्वादसंगै जितको शुभकामना समेत दिएकी छिन । शुक्रबार धरान–१७ स्थित टेम्के मार्गमा रहेको स्र्वगीय सुब्बाको घरमा पुगेर तिलक राईले आशिर्वाद मागेका थिए भने इन्दुले जितको शुभकामना दिइन ।
मंसिर १४ गते हुने निर्वाचनकालागि घर दैलो कार्यक्रममा ब्यस्त रहेका तिलक राई शुक्रबार अपरान्ह १२ बजे स्वर्गिय तारा सुब्बाको घरमा पुगेका थिए । घरमा सामान्य घरायसी काममा ब्यस्त रहेकी इन्दुले मुस्काउदै स्वागत गर्दै राईको शिरमा हात राखेर आशिर्वादसंगै शुभकामना दिइन ।गत २०७४ सालमा सम्पन स्थानिय तहको निर्वाचनमा तारा सुब्बासंग तिलक पराजित भएका थिए । तारा सुब्बाको असामयिक दुःखद निधन पछी धरानमा उपनिर्वाचन हुन लागेका हो । उपनिर्वाचन कांग्रेसकातर्फबाट पुनः तिलक राई उमेद्वार बन्दा स्वर्गीय मेयर तारा सुब्बाको पत्नि इन्दु नेकपाका उमेदवार प्रकाश राईको प्रस्तावक गरेकी छिन ।भेटका क्रममा तिलक राईले इन्दुलाई तारा सुब्बाको योगदानलाई आफु निर्वाचित भए पश्चात नर्बिशने बताए । तिलकले तारा सुब्बाको निधन पछी धरान नगरमा भष्ट्रचार बढेको भन्दै यस्को अन्त्य गर्ने बताए । उनिहरु बिच करिब ५ मिनेट संवाद र आशिर्बाद र शुभकाना आदान प्रदान भएको थियो ।
प्रतिक्रिया दिनुहोस
कम्पनी दर्ता प्रमाणपत्र नं.: २०५७२३/७५/७६ / स्थायी लेखा नं.: ६०६५२१६७९
Copyright © 2017 / 2024 - Samayaonline.com All rights reserved