पूर्व प्रधानमन्त्री तथा नेपाली कांग्रेसका सभापति शेरबहादुर देउवाले भारतले नयाँ नक्सा जारी गर्दा पाकिस्तान र नेपाललाई एउटै ठाउँमा राखेको आरोप लगाउनु भएको छ ।
उहाँले भारत आफैंले विवादास्पद भन्दै आएको नेपालको कालापानी र सुस्ताको भूभागलाई नयाँ नक्सामा समावेश गर्नु पाकिस्तान र नेपाललाई एउटै ठाउँमा राख्न खोज्नु भएको दाबी पनि गर्नुभयो । महाकाली सन्धीमा पनि महाकाली नदी सीमा बाँधिएको बताउँदै देउवाले सीमा पूर्व कालापानी सीमा पश्चिम इन्डिया रहेको र लिपुलेक पनि नदी पूर्व नैै पर्ने भएकै कारण कालापानीको पानी आधा–आधा गर्ने भनेर सहमति गरेको बताउनु भयो ।
कालापानी, सुस्ता तथा लिपुलेकको विषयमा दलहरुले अभूतपूर्व एकता गरेर सरकारलाई अगाडि बढ्न भन्दा पनि काम अघि नबढेको भन्दै देउवाले प्रधानमन्त्रीप्रति असन्तुष्टि जनाउनु भयो ।
अर्को प्रसंगमा सभापति देउवाले तत्कालिन राजा ज्ञानेन्द्रले अख्तियार दुरुपयोगलाई शाही आयोग बनाएजस्तो संवैधानिक परिषद्लाई अध्यादेश मार्फत परिवर्तन गर्न खोजे आफूहरुलाई मान्य नहुने बताउनु भयो । ४८ साल देखिको संवैधानिक परिषद्लाई किन परिवर्तन गर्नुप¥यो ? भन्दै देउवाले सरकारले आफूहरुसँग झगडा गर्न, निउ खोज्ने काम गरेको दाबी गर्नुभयो ।
उपनिर्वाचनमा कांग्रेसले चुनाव जित्ने दाबी गर्दै कम्युनिष्ट पार्टीले सत्तामा आएर कही नगरेको टिप्पणी गर्नुभयो । कम्युनिष्ट सरकारले कर बढाएको, उपभोक्ता समितिको नाममा भ्रष्टाचार गरेको र निर्मला पन्तको हत्यारा अहिलेसम्म खोज्न नसकेको देउवाको आरोप छ ।
प्रतिक्रिया दिनुहोस
कम्पनी दर्ता प्रमाणपत्र नं.: २०५७२३/७५/७६ / स्थायी लेखा नं.: ६०६५२१६७९
Copyright © 2017 / 2024 - Samayaonline.com All rights reserved