धरानमा कांग्रेसका तिलक राई विजयी, नगरवासीको सहयोगमा सकरात्मक कामको थालनी गर्ने उदघोष

धरान उपमहानगरपालिकाको मेयरमा नेपाली कांग्रेसका तिलक राई विजयी भएका छन् । तिलक राईले २६७०९ मत ल्याएर विजयी भएका हुन । उनका प्रतिद्वन्दी नेकपाका प्रकाश राईको २३९१४ मत ल्याएका छन् । २०४७ साल पछिका हरेक निर्वाचनमा बामपन्थीहरुले जित्दैंआएको धरानमा तिलक राइले इतिहास बनाएका छन् । २७९५ मतान्तरणले जित हासिल गरेका हुन । निर्वाचन आयोगकाे औपचारिक घाेषणा हुन भने बाँकी छ ।

धरानलाई बामपन्थीहरुको लालकिल्ला मानिदैं आएका थियो । मनमोहन अधिकारी, कुन्ता शर्मा, लिला सुब्वा श्रेष्ठलगायतले यही धरानबाट चुनाव जितेका थिए ।

कम्युनिष्टकाे गढकाे रूपमा परीचित धरानमा नेकपाका प्रकास राईलाई २७९५ मतले पछि पार्दै निर्वाचित भएका नवनिर्वाचित मेयर तिलक राईले अाफूले  गरेका प्रतिवध्दता पुर  गर्ने बताएका छन् । जसमा नगरपालिकामा भएका नकरात्मक कामहरूलाई दुरूत्साहन गर्ने र नगरवासीकाे सहयाेगमा सकरात्मक कामकाे थालनी गर्ने बताएका छन् ।

मेयर राईलाई अघिल्लाे चुनावबाट निर्वाचित भएका सत्तापक्ष नेकपाका प्रतिनिधिहरूसंग अलपमतमा परेर काम गर्न असहज परिस्थिति हुनसक्ने आँकलन गरीरहँदा स्थानीय तहमा सत्तापक्ष र प्रतिपक्ष भन्ने नहुने र सबै सत्तापक्ष भएरै काम गर्ने   बताएका छन् ।