इटहरीका मेयरले बाडे बोका

इटहरी उपमहानगरले वाख्रा पालक कृषकलाई वोयर जातका उन्नत वोका वितरण गरेको छ । नगरप्रमुख द्धारिकलाल चौधरीले एक कार्यक्रमका विच नेपालमै उन्नत मानिने वोलर जातका १४ वटा वोका वितरण गर्नुभएको हो । करिव १० लाखको लागतमा चितवनवाट ल्याएर वोका वितरण गरिएको हो ।

प्रति वोका ५० हजार उपमहानगरको अनुदान र थप रकम कृषकको लगानी रहेको इटहरी उपमहानगर पशुपंक्षि विकास शाखा प्रमुख दुर्गा वहादुर श्रेष्ठले बताए । कृषकहरुलाई वोका वितरण कार्यक्रममा नगरप्रमुख द्धारिकलाल चौधरीले इटहरीलाई कृषिमा आत्मनिर्भर वनाउने सोच अनुरुप मासुमा आत्मनिर्भर वनाउन उन्नत जातका वोका वितरण गरिएको बताए ।