धरान सहर स्थापना दिवस अर्थात धरान डेलाई यसपाली तीन दिन उत्सवकोरुपमा मनाउने तयारी गरिएको छ ।
धरान उपमहानगरपालिकाले यही पुष १८, १९ र २० गते धरान डेलाई उत्सवकोरुपम मनाउने तयारी गरिएको हो । पुष २० गतेलाई धरान स्थापना दिवस अर्थात धरान डेकोरुपमा लिइने गरिन्छ । यसपाली नेपाल भ्रमण बर्ष २०२० लाई पनि समेटेर तीन दिने धरान डे उत्सव मनाउन लागिएको हो । धरान डे आयोजना गर्न मेयर तिलक राई संयोजक र उपमेयर मञ्जु भण्डारी सुवेदी सहसंयोजक रहेको मुल समारोह समिति गठन गरिएको छ भने विभिन्न उपसमितिहरु पनि गठन गरिएको उपमहानगरपालिकाले जानकारी दिएको छ ।
धरान डे पुष १८, १९ र २० गते पब्लिक उच्च मावि चतरालइनको खेल मैदानमा आयोजना हुनेछ । धरान डेको उद्घाटन प्रदेश १ का सभामुख प्रदीपकुमार भण्डारीको प्रमुख आतिथ्यमा हुनेछ भने २० गते समापन समारोह मुख्यमन्त्री शेरधन राईको प्रमुख आतिथ्यमा हुने मेय तिलक राईले जानकारी दिए । धरान डेको अवसरमा ३ दिनसम्म विभिन्न साँस्कृतिक, खेलकुद, मनोरञ्जनात्मक तथा साहित्यिक, सांगीतिक कार्यक्रमहरु आयोजना गरिनेछ । धरान डे उत्सवस्थलमा शैक्षिक, कला साहित्य, खाद्य प्रर्दशनी तथा बिक्री स्टलहरु पनि राखिनेछ ।
तीन दिनसम्म हरेक साँझ उत्सवस्थलमा धरानका कलाकारहरुले गीत, संगीत प्रस्तुत गर्नेछन् भने धरानका जनतालाई साँझमा घर घरमा दिपावली गर्न आह्वान गरिनेछ ।
प्रतिक्रिया दिनुहोस
कम्पनी दर्ता प्रमाणपत्र नं.: २०५७२३/७५/७६ / स्थायी लेखा नं.: ६०६५२१६७९
Copyright © 2017 / 2024 - Samayaonline.com All rights reserved