धरान सहर स्थापना दिवससँगै नेपाल भ्रमण बर्ष २०२० लाई सफल बनाउने उद्देश्यले तीन दिने धरान महोत्सव २०७६ शुक्रबारदेखि शुरु भएको छ ।
धरान १२ स्थित पब्लिक उच्चमाविको खेल मैदानमा हुने महोत्सवको एक समारोहबीच प्रदेश सभामुख प्रदीपकुमार भण्डारीले उद्घाटन गरे ।
पुष २० गतेलाई धरान स्थापना दिवसको रुपमा मनाउने गरिएको छ । यसपाली नेपाल भ्रमण बर्ष २०२० लाई पनि समेटेर तीन दिने महोत्सव मनाउन लागिएको हो । महोत्सव पुष २० गते समापन हुनेछ । समापन समारोहमा मुख्यमन्त्री शेरधन राईको प्रमुख आतिथ्यमा हुनेछ ।
महोत्सवस्थलमा विभिन्न साँस्कृतिक, खेलकुद, मनोरञ्जनात्मक तथा साहित्यिक, सांगीतिक कार्यक्रमहरु आयोजना हुनेछ । महोत्सवस्थलमा शैक्षिक, कला साहित्य, खाद्य, पुष्प प्रर्दशनी तथा बिक्री स्टलहरु पनि राखिएको छ । विभिन्न स्कुलको शैक्षिक प्रर्दशनी राखिएको छ भने जातीय संघसंस्थाहरुको मौलिक खानाको परिकार पनि छ ।
प्रतिक्रिया दिनुहोस
कम्पनी दर्ता प्रमाणपत्र नं.: २०५७२३/७५/७६ / स्थायी लेखा नं.: ६०६५२१६७९
Copyright © 2017 / 2024 - Samayaonline.com All rights reserved