यातायात व्यवसायीले सवारीसाधान सञ्चालनका सम्बन्धमा १९ बुँदे प्रतिबद्धता जनाए

प्रकाशित मितिः पुष २१, २०७६
762 पटक पढिएको
समय अनलाइन

यातायात व्यवसायीले सार्वजनिक सवारीसाधान सञ्चालनका सम्बन्धमा १९ बुँदे प्रतिबद्धता जनाएका छन् । महानगरीय ट्राफिक प्रहरी महाशाखाका प्रमुख एसएसपी भिम प्रसाद ढकालको संयोजनमा महाशाखामा सरोकारवाला पक्षसँग भएको छलफलपछि यातायात व्यवसायीले १९ बुँदे प्रतिबद्धता जनाएका हुन् ।

एसएसपी ढकालले सार्वजनिक यातायातको अनुगमन र नागरिकको गुनासोको आधारमा आइतबार नेपाल यातायात व्यवसायी राष्ट्रिय महासंघका प्रतिनिधि, मजदूर ट्रेड युनियनका प्रतिनिधिलगायत सरोकारवालासँगको छलफल गरेका थिए ।

यस्तै क्षमताभन्दा बढी यात्रु नबोक्ने, चालक तथा सहचालकले यात्रुहरुलाई राम्रो व्यवहार गर्ने, नियमपूर्वक सवारी चलाउने, चालकले यात्रुसँग अनावश्यक गफ नगर्ने, गाडी चलाउँदा मोबाइल प्रयोग नगर्ने, तोकिएको स्थानमा मात्र यात्रु चलाउने र ओराल्ने, चालक र सहचालक भद्र हुनुपर्नेलगायतका प्रतिवद्धता पनि जनाइएको छ।

ट्राफिक प्रहरीले १९ बुँदे कार्यान्वयन भए–नभएकोबारे अनुगमनको लागि महाशाखाका प्रहरी उपरीक्षक राजकुमार वैदवारको संयोजकत्वमा ८ सदस्सीय अनुगमन समिति समेत गठन गरेको जनाइएको छ ।

प्रतिक्रिया दिनुहोस