बलात्कार आरोपमा जिल्ला अदालत सुनसरीबाट धरौटीमा छुटेका सिद्धबाबा भनिने कृष्णबहादुर गिरी पनि उच्च अदालत विराटनगर पुगेका छन् । धरौटीमा छाड्ने आदेशको आलोचना भइरहेको अवस्थामा गिरी साधारण तारेखमा छाड्न माग गर्दै उच्च अदालत विराटनगर निवेदन दायर गरेका हुन् ।
१६ पुसमा जिल्ला अदालत सुनसरीको आदेश विरुद्ध उच्च सरकारी वकिलको कार्यालयले अदालतमा जिल्लाको आदेश बदर गरी थुनामा राख्ने माग गर्दै निवेदन दायर गरेको थियो । सरकारी वकिलको निवेदनमा मुख्यन्यायाधीश तीलप्रसाद श्रेष्ठको इजलासले मिसिलसहितको कैफियत प्रतिवेदन झिकाउने आदेश दिएको थियो । सिद्धबाबाले पनि जिल्लाको आदेश बदरका लागि निवेदन गरेपछि मुद्दालाई लगाउमा राख्न आदेश भएको छ । बुधबार मुख्यन्यायाधीश श्रेष्ठको इजलासले दुई मुद्दालाई लगाउमा राख्ने आदेश दिएको हो ।
प्रतिक्रिया दिनुहोस
कम्पनी दर्ता प्रमाणपत्र नं.: २०५७२३/७५/७६ / स्थायी लेखा नं.: ६०६५२१६७९
Copyright © 2017 / 2024 - Samayaonline.com All rights reserved