सफारी चालकद्धारा इटहरीमा एक महिलामाथि बलात्कार

एक महिला सुनसरीको इटहरीमा बलात्कृत भएकि छिन । एक सातादेखि पूर्वका बिभिन्न स्थानमा श्रीमानको खोजीमा भौतारिएकी ३२ वर्षीया महिला आइतबार दिउसो सुनसरी मोरङको सिमामा पर्ने बुढी खोलामा बलात्कृत भएको अवस्थामा स्थानियले फेला पारेका छन । इटहरी ६ बस्ने सिटि सफारी चालक नरेश थारु र उनका साथी इटहरी ९ बस्ने सन्दिप चौधरीले जवरजस्ती सफारीमा हालेर बुढी खोला नजिक रहेको गोकुलम पार्क पछाडी एकान्त स्थानमा जवरजस्ती गरेको अबस्थामा स्थानियले फेला पारेका थिए ।

स्थानियको सहयोगमा घटनास्थलबाटै दुवैजनालाई प्रहरीले पक्राउ गरेको छ ।इलाका प्रहरी कार्यालय इटहरीका अनुसार पकलीमा एक दिदिको शरणमा रहेकी ति महिला आइतबार दिउसो श्रीमान खोज्न इटहरी आएकी थिईन् । सोही क्रममा सिटिमा चढेर बिराटनगर लाईन हिडेकी महिलालाई सिटि चालक नरेशले फोन गरेर अर्को सन्दिपलाई पनि बोलाएर जवरजस्ती बुढी खोला लागेको प्रारम्भीक अनुसन्धानले देखाएको छ ।