इटहरी वितरक संघले मनायो आफनो ९ औं वार्षिक साधारणसभा, दुईजना व्यावसायी सम्मान

 इटहरी वितरक संघले आफनो ९औं वार्षिक साधारणसभाको अवसर पारेर दुई जना व्यावसायीलाई सम्मान गरेको छ । इटहरी क्षेत्रमा रहेर लामो समय देखि व्यवसायमा सक्रिय रहदै आएका संघका सल्लाहकार उमेश गोस्वामी र कृष्णमाया गुरागाई खनाललाई सम्मान गरिएको हो ।

दुई दसक अघि देखि इटहरीमा रहेर कस्मेटिक तथा मनिहारी व्यवसाय गर्दै आएका गोस्वामीलाई कार्यक्रमका विशिष्ट अतिथी नेपाल वितरक महासंघका उपाध्यक्ष टंक खनाल र कृष्णमायालाई कार्यक्रमका विशिष्ट अतिथी भिम पौडेलले सम्मान गरेका थिए ।

कार्यक्रममा संघको आर्थिक गतिविधिलाई समेटेर कोषाध्यक्ष खगेन्द्र विमलीले आर्थिक प्रतिवेदन प्रस्तुत गरेका थिए । संघका अध्यक्ष कमल ढुंगानाको अध्यक्षतामा भएको बार्षिक साधारणसभामा इटहरी उद्योग वाणिज्य संघ इटहरीका बरिष्ट उपाध्यक्ष दिवस पोखरेल , लगायतको सहभागिता रहेको थियो ।