वीपी प्रतिष्ठानमा विजुलीको शुल्कमा भएको घोटलाको छानबिन गर्न समिति गठन

वीपी कोइराला स्वास्थ्य विज्ञान प्रतिष्ठान धरानको इलेक्ट्रिकल इञ्जिनियरीङ विभागका अधिकृतले विजुलीको महशुलमा ठगी गरेको आरोपबारे छानबनि गर्न एक समिति गठन भएको छ ।

इलेक्ट्रिकल इञ्जिनियर तेजनारायण साहले प्रतिष्ठान हाताभित्र भाडामा सञ्चालित व्यवसायीहरुबाट विजुलीको महशुल लिएको छानबिन गर्न चार सदस्यीय समिति गठन भएको हो । समितिको संयोजकमा मानसिक रोग विभागका प्रा.डा.वैकुण्ठ अधिकारी छन् भने सदस्यहरुमा हाडजोर्नी विभागका डा.विष्णु पोखरेल, आर्थिक प्रशासन महाशाखा प्रमुख रमेश पण्डित र प्रतिष्ठानका कानुनी सल्लाहकार अबइन्द्र निरौला छन् । समितिले आरोपित अधिकृत साह र सम्बन्धित व्यवसायीहरुसँग पनि आवश्यक वयान लिने काम गरिरहेको छ ।

समितिले छानबिन शुरु गरेपछि सर्भर लक गरेर महशुल नलिन पनि निर्देशन पनि जनाएको छ ।