म त्यस्तो देशको नागरिक हुँ जहाँ देशको सर्बोच्च पदमा महिला बिराजमान भएको बेला भर्खरै जीबन के हो बुझ्न सुरु गरेको निर्मला पन्तहरु बलात्कृत भएर निर्मम तरिकाले मारिइन्छन् र न्यायको बहानामा बर्षौ हिँसा भड्काउँछ एउटा गिद्दले समाजमा ! तरपनि त्यो गिद्दलाई समाउने आँट कसैको छैन । म त्यस्तो देशको नागरिक हुँ जहाँ दाईजोको निहुंमा सुनिता यादबहरुको कोमल शरिर जलाएर अँगार बनाउँछ दुस्टले , तर पनि त्यो पापीलाई गोली ठोक्ने दम देशको संबिधानमा छँदै छैन ! म त्यस्तो देशको नागरिक हुँ जहाँ महिलालाई देबीको अवतार मानिन्छ तर छाउगोठमा सर्पले ठुंगेर मर्नुपर्छ छोरीहरुले महिनै पिच्छे! तरपनि यो ग़लत हो भनेर वालुवाटारको दैलोबाट बाहिर कुनै राज महाराज पाईलो टेकाउँदैन! म त्यस्तो देशको नागरिक हुँ जहाँ कुनै महिलाले अन्यायको बिरुद्द मिसाईल छेड्छ भने उस्लाई समाजले बेस्या भन्छ र बिचारको प्वाँख काट्छ! म त्यस्तो देशको नागरिक हुँ , जहाँ महिलाले महिलाकै अस्तित्व स्वीकार गर्न सक्दैन , बरु अलि अघि बढ्यो कि खुट्टा तान्न र कुरा काट्न एउटा पोथी बटालियन नै खड़ा गर्छ र बेस्सरी बास्छ फलानी यस्ती , ढिस्कानी यस्ती भनेर ! नारी शसक्तिकरणका फुस्रा दस्ताबेज एकातिर अनि समाजको नारीबादी ज्यामितिको Theorem अर्कोतिर ..! अनि नारी दिबस मनाउने चाहिँ कस्का लागि र किन ?? म संसारका हर आमालाई सम्मान गर्छु तर नारी दिबस मनाउँदिन र शुभकामना पनि कसैलाई दिन्न किनकी म समाजमा सह अस्तित्वको लागि लड्ने मान्छे हुँ! जय स्वाभिमा
प्रतिक्रिया दिनुहोस
कम्पनी दर्ता प्रमाणपत्र नं.: २०५७२३/७५/७६ / स्थायी लेखा नं.: ६०६५२१६७९
Copyright © 2017 / 2024 - Samayaonline.com All rights reserved