तलब–भत्ता म जनताकै नाममा खर्चन्छु ।वडा अध्यक्ष फुयाल

 सुनसरीको रामधुनी नगरपालिका वडा नम्बर ५ का वडा अध्यकोरोनाविरुद्धकोक्ष डेगराज फुयालले आफ्नो दुई महिनाको तलब–भत्ता कोरोनाविरुद्धको लडाइँमा खर्चने बताएका छन् ।

कोरोना भाइरस (कोभिड–१९) को महामारीले गरिब जनता समस्यामा रहेको भन्दै एक महिनाको तलब–भत्ता वडा कार्यालयमार्फत राहतमा खर्चने र थप एक महिनाको तलब–भत्ता नगरपालिकाको कोरोना सम्बन्धि विपद ब्यबस्थापन कोषमा जम्मा गर्ने उनी बताउँछन् ।

उनीलगायत वडाका सबै जनप्रतिनिधिले एक महिनाको तलब–भत्ता वडामार्फत खर्चने निर्णय नै भइसकेको वडा कार्यालयले जनाएको छ । ‘मेरो २ महिनाको तलब–भत्ता कोरोनाविरुद्धको लडाइँमा खर्चन्छु, मबाहेक हाम्रो वडाका सबै जनप्रतिनिधिले एक महिनाको तलब–भत्ता खर्चने निर्णय बिहिबार भएको छ ।’ अध्यक्ष फुयालले भने ।

यो पहिलो चरणको सहयोग भएको र संभावित संक्रमणले जटिल रुप लिएमा आफ्नो दुई महिनापछि पनि तलब–भत्ता वापतको रकम सहयोग गर्न तयार रहेको उनको दाबी छ । उनले भने, ‘अहिले त्यस्तो भयावह स्थिति छैन, गरिब जनताका लागि राहत बाँडिरहेका छौं । संभावित संक्रमणले थप जटिल रुप लिएमा आगामि दिनको मेरो तलब–भत्ता म जनताकै नाममा खर्चन्छु । दुई महिना म राज्यको कुनै पनि सेवा–सुबिधा लिन्नँ, त्यसपछि परिस्थिति हेरेर बाँकी निर्णय गर्छु ।’