पुर्ण सरकारी हुँदा का धेरै फाइदा छन् । डाक्टर, नर्स लगायत सबै कर्मचारी सरकारी कोटा बाट आउछन् । हस्पिटल सन्चालन गर्न उनिहरुको व्ययभार व्यहोर्न बिरामीबाट नचाहिने फि लिइरहनु पर्दैन । त्यसपछि या सङसङै अन्य निजिटल खुल्छन या खुलुन, केही फरक पर्दैन । सबैलाई सहयोग नै हुन्छ । बिराटनगरमा शुरुमा कोशी अन्चल अस्पताल बन्यो, व्यवस्थापन राम्रो भएन, त्यहीँ का डाक्टरले बाहिर क्लिनिक खोले, नयाँ नयाँ हस्पिटल खोले । अहिले बिराटनगरमा कति हस्पिटल खुलेका छन् गन्ती नै छैन, नचलेका कुनै छैनन् । कोशी हस्पिटल ले पनि सुविधा दिएकै छ । गरीब गुरुबा हरु रु ५०/१०० लिएर वा सित्तैमा त्यहाँ आफ्नो उपचार गराउन पाएकै छन् ।अरु अलि धेरै सम्पत्ती हुनेहरु सामुदायिक, निजिमा जान्छन् उपचार गराउछन । धरानमा BPKIHS तुलनात्मक रुपमा व्यवस्थित छ, अरु थप धेरै हस्पिटलको जरुरत देखिदैन । भनेपछी हाम्रो इटहरीमा पनि एउटा पुर्ण स्वामित्वको पुर्ण सुविधा भएको हस्पिटल भैसके पछी अरु थप सामुदायिक, निजि जति खुले पनि नखुले पनि खासै फरक पर्दैन । तर सरकारी हस्पिटल सुविधाजनक छैन, निजी र सामुदायिक मात्र सुविधाजनक छन् भने पनि, मान्छे धरान, बिराटनगर जानुपर्ने बाध्यता बाट मुक्त हुन्छन् जस्तो लाग्दैन । किनभने डाक्टर, नर्सको, इक्विपमेन्ट, मर्मत सम्भार को खर्च व्यहोर्न यस्ता हस्पिटलहरु लाई धेरै महङ्गो पर्छ, त्यही अनुसार यिनिहरुको सेवा, सुवीधा महङ्गो भैजान्छ ।
एउटा सानो उदाहरण इटहरीको उच्च शिक्षा कै लिउ । सामुदायिक नै भए पनि इटहरीको जनता क्याम्पस कहिले पनि बिराटनगरको महेन्द्र मोरङ क्याम्पस र धरानको महेन्द्र बहुमुखी क्याम्पस जत्तीको सर्वसुलभ हुनै सक्दैन । सबैलाई थाहा छ जनता बहुमुखी क्याम्पसको फि महङो लाग्ने इटहरीका धेरै विध्यार्थी बिराटनगरको महेन्द्र मोरङ क्याम्पस या धरानको महेन्द्र बहुमुखी क्याम्पस पढ्न जान्छन, त्यही विषय आर्ट्स, कमर्श पढ्न । अहिले सम्म पनि इटहरीमा जनता क्याम्पस लाई नै सरकारी मानेर पढिरहेको छौं । जबकी यो एउटा सामुदायिक क्याम्पस हो, यस्ले आफ्नो अधिन्कास खर्च आफैं व्यहोर्नुपर्छ त्यो भनेको विध्यार्थी लाई लगाइने फी नै हो । तर त्यही बिराटनगर र धरानमा एकदमै गरीब परिवार का विध्यार्थी पनि पढ्न सक्ने सरकारी कलेज पनि छन, सामुदायिक कलेज पनि छन् अनि निजि कलेज पनि छन् । हाम्रा भन्दा राम्रा पनि होलान् धेरै पनि होलान् । त्यसै गरि समाजका सबै तप्काका मान्छेहरुले सेवा पनि पाइरहेका छन् ।
त्यसैले निजी या सामुदायिक तवर बाट खुल्ने हस्पिटलहरुको लागि सरकारी हस्पिटलको स्तरोन्नती र नयाँ सरकारी हस्पिटल बनाइने बाटो रोकिनु हुन्न । सबैको आफ्नै आफ्नै महत्व छ, कसैले कसैलाई व्यवसायमा केहि असर गर्दैनन् । सहयोग नै गर्छन्, झन् बरु इटहरीलाई स्वास्थ्यको क्षेत्रमा हब भनेर चिनाउने छन् ।
प्रतिक्रिया दिनुहोस
कम्पनी दर्ता प्रमाणपत्र नं.: २०५७२३/७५/७६ / स्थायी लेखा नं.: ६०६५२१६७९
Copyright © 2017 / 2024 - Samayaonline.com All rights reserved