गत जेठ ६ गते बिपी कोईराला स्वास्थ्य विज्ञान प्रतिष्ठानले इटहरी २ बस्ने १८ बर्षिय युवामा पिसिआर परीक्षण गर्दा कोरोना पोजेटिभ भएको पुष्टि भयो । खोटाङ्ग घर भई इटहरी २ मा डेरा गरी बस्ने ती युवामा कोरोना संक्रमण पुष्टि भए सँगै उनलाई कसरी कोरोना स-यो भन्ने कौतुहलता सबैमा भएको पाईन्छ ।
परीक्षणका लागि विपि पुग्नु अघि तरहरा र इटहरीका क्लिनिकमा स्वास्थ्य परीक्षण गराएको अनुसन्धानले देखाईसकेको छ । धरानमा उच्च शिक्षा अध्ययन गरिरहेका संक्रमित युवा इटहरी उपमहानगरपालिका वडा नं. २ मा मामाको घर नजिक कोठा भाडामा बस्ने गरेको पाइएको छ ।
आफु बस्ने कोठा नजिक आफ्ना आफन्त समेत बसोबास गर्ने भएकाले उनले ती आफन्त सँग पनि भेटघाट गर्ने गरेको र बैशाख अन्तिममा उनका एकसाथीले धरानमा आत्महत्या गरेपछि उनी मलामी समेत गएको इलाका प्रहरी कार्यालय इटहरीका प्रमुख डिएसपी धर्मराज भण्डारीले जानकारी दिए ।
लकडाउन शुरु हुनु अघि ब्रिटिस सेनामा भर्ती हुनका लागि धरान स्थित एक ट्रेनिङ्ग सेन्टरको होस्टलमा बसिरहेको ति युवक लकडाउन शुरु हुनुअघि इटहरी आएको उनको ट्राभल हिस्ट्रीले देखाएको छ ।
लकडाउन शुरु भएपश्चात अधिकांश समय आफ्नै कोठामा व्यतित गरी, धरानमा साथीको मलामी गएको र कोठा छेउका केही आफन्तहरुको सँग मात्र भेटघात गरेका युवामा कसरी संक्रमण भयो ? भन्ने प्रश्नमा इटहरी अस्पतालका आकस्मिक सेवा इन्चार्ज रामकुमार धमलाले उनलाई कसरी संक्रमण भयो भन्ने पत्ता लगाउन केस इन्भेष्टिगेशन एण्ड कन्ट्राक्ट टेसिङ्संक्रमित युवाको भनाईअनुसार उनमा छाती दुख्ने तथा श्वासप्रश्वास सम्बन्धि कुनै न कुनै समस्या पहिले देखि नै रहेको जानकारी दिए । पहिले देखि नै छाती र श्वासप्रश्वासमा समस्या भएमा रोग सँग लड्ने क्षमता स्वत कम हुने धमलाको भनाई छ ।
इटहरीमा कोरोना संक्रमित भेटिएपश्चात उनलाई कसरी संक्रमण फैलियो भनी पत्ता लगाउन ११ जना उनलाई परीक्षण गर्ने स्वास्थ्यकर्मी तथा चिकित्सक र १८ जना घरपरिवार तथा आफन्तको पिसिआर परीक्षण गरिएकोमा सबैको रिपोर्ट नेगेटिभ आएको धमलाले जानकारी दिए ।
संक्रमणको कारण पक्ता लगाउन गहिराईमा पुग्नु जरुरी भएको बताउदै धमलाले उनी स्वास्थ्य परीक्षणका लागि पुगेका इटहरीका ३ वटा क्लिनिकमा कार्यरत अन्य २० जनाको समेत स्बाब परीक्षण गरिएको तर रिपोर्ट आउन बाँकी रहेको जानकारी दिए । नेपालमा हालसम्म फेला परेका अधिकांश संक्रमितहरु कुनै विशेष लक्षण बिनै परीक्षणबाट पक्ता लागेको बताउदै धमलाले प्राय संक्रमितहरुक भारतबाट फर्किएका र उनीहरु सँगको सम्पर्कबाट भएको उल्लेख गरे ।
यसबाट नेपालमा अझै कोरोना संक्रमित हुन सक्ने आशंका पैदा भएकाले व्यापक परीक्षण हुनुपर्नेमा उनले जोड दिए । मुलुकमा पहिलो कोरोना संक्रमित भेटिएको ११२ दिन भन्दा बढि भईसकेको र कोरोना संक्रमणको जोखिम कम गर्न सरकारले लकडाउन शुरु गरेको २ महिना नाघिसक्दा पनि व्यापक परिक्षण हुन नसक्दा कोरोना संक्रमणको जोखिम दिनप्रतिदिन बढ्दो छ ।
छिमेकी भारतबाट हजारौं नेपाली कामदार लुकिछिपी नेपाल प्रवेश गर्दा र उनीहरुको पिसिआर परीक्षण हुन नसक्दा कोरोना भाईरसले महामारीको रुप लिन सक्ने तर्फ सरकारको ध्यान केन्द्रित हुनु आवश्यक छ । त्यसर्थ कोरोना भाईरसको महामारीबाट जोगिन अबिलम्ब संक्रमितहरु फेला परेको स्थान र उनीहरुको कन्ट्रयाक्ट ट्रेसिङ्ग अनुरुपका नागरिकहरुको व्यापक परिक्षण हुनु जरुरी छ ।
प्रतिक्रिया दिनुहोस
कम्पनी दर्ता प्रमाणपत्र नं.: २०५७२३/७५/७६ / स्थायी लेखा नं.: ६०६५२१६७९
Copyright © 2017 / 2024 - Samayaonline.com All rights reserved