माछा मार्ने क्रममा खोलामा डुबेर एकको ज्यान गयो

मोरङ / मोरङ माछा मार्ने क्रममा खोलामा डुबेर एकको ज्यान गएको छ । मोरङको पथरी शनिश्चरे नगरपालिका-१० का ६३ बर्षीय डम्बरसिंह राईको डाँस खोलामा डुबेर ज्यान गएको हो ।

आईतवार साँझ उक्त खोलामा माछा मार्ने क्रममा अचानक डुबेर मृत्यु भएको भन्ने खबर प्राप्त भएसंगै ईलाका प्रहरी कार्यालय पथरीबाट प्रहरी टोली खटि गई कानूनी प्रकृया पुरा गरी अन्य थप अनुसन्धान भईरहेको उक्त कार्यालयले जनाएको छ ।