उदयपुर / मालपोत कार्यालय उदयपुरका ६ जना कर्मचारी सहित १५ जनामा कोरोना संक्रमण पुष्टी भएको छ । त्रियुगा नगरपालिकाका ८ जना र बेलका नगरपालिकाका ७ जनामा कोरोना पुष्टी भएको जिल्ला स्वास्थ्य कार्यालय उदयपुरका प्रमुख मोहन सुवेदीले जानकारी दिए । संक्रमित हुने मालपोत कार्यालयका कर्मचारीहरुमा २६, ३२, ३८, ४२ र ४४ वर्षिय पुरुष र ३२ वर्षिय महिला रहेका छन् ।
मालपोत कार्यालयका कर्मचारी कै परिवारका ३० र ६२ वर्षिय महिला पनि संक्रमित भएको छ । यस अघि नै मालपोतका एक ३४ वर्षिय कर्मचारीमा कोरोना संक्रमण पुष्टी भएको थियो । त्यसकै कन्ट्राक्ट टे«सिङको आधारमा मालपोतका कर्मचारी र संक्रमित परिवारको स्वाब परीक्षण गरिएको थियो ।
यस्तै बेलका नगरपालिका ९ का ७ जना संक्रमित भएका छन् । ३ पुरुष र ४ महिला रहेका छन् । संक्रमित हुनेहरुमा १८, ३१ र ६८ वर्षिय पुरुष रहेका छन भने १७, २०, २० र ६० वर्षिय महिला रहेका छन् । बेलका नगरपालिकामा देखिएका संक्रमित सवै समुदाय स्तरकै हुन् ।
उदयपुरमा कोरोना संक्रमितको संख्या २८ महिलासहित १०४ पुगेको छ । हालसम्म बेलका नगरपालिकामा ३१ जना, त्रियुगा नगरपालिकामा ५९ जना, कटारी नगरपालिकामा ७ जना, चौदण्डीगढी नगरपालिकामा २ जना, उदयपुरगढी गाउँपालिकामा २ जना र ताप्ली गाउँपालिकामा ३ जनामा कोरोना संक्रमण देखिएको छ ।
प्रतिक्रिया दिनुहोस
कम्पनी दर्ता प्रमाणपत्र नं.: २०५७२३/७५/७६ / स्थायी लेखा नं.: ६०६५२१६७९
Copyright © 2017 / 2024 - Samayaonline.com All rights reserved