पोखरामा फेरि थप एक जनाको कोरोना संक्रमणबाट मृत्यु

काठमाडौं - पोखरामा कोरोनाभाइरसको संक्रमणबाट थप एक जनाको मृत्यु भएको छ । मृत्यु हुनेमा पोखरा महानगरपालिका–१६ का ८७ वर्षीय पुरुष रहेको जनाइएको छ । सोमवार राति मृत्यु भएका उनको मंगलबार बिहान कोरोना रिपोर्ट पोजेटिभ आएको अस्पतालले जनाएको छ । 

मधुमेह, मिर्गौलाका बिरामी रहेका पुरुषको पश्चिमाञ्चल क्षेत्रीय अस्पतालमा उपचारको क्रममा मृत्यु भएको हो । यसअघि आज नै कास्कीको सेवा अस्पतालमा  कोरोना संक्रमणबाट तनहुँकी ५० वर्षीया महिलाको मृत्यु भएको थियो । 

यस्तै कास्कीमा पछिल्लो समय कोरोना संक्रमण बढ्दै गएको भन्दै महामारी नियन्त्रण गर्न आज राति १२ बजेदेखि भदौ ७ गतेसम्म निषेधाज्ञा लागू गरिएको छ ।