२४ घण्टामा मकवानपुरमा थपिए २३ जना कोरोना संक्रमित

पछिल्लो २४ घण्टामा मकवानपुरमा २३ जना कोरोना संक्रमित थपिएका छन् ।

किटजन्य रोग अनुसन्धान तथा तालिम केन्द्र हेटौंडा प्रगोशालामा ३२ साउन र १ भदौमा संकलन गरिएको स्वाब परीक्षण गर्दा थप २३ जनामा कोरोना भाइरस पोजेटिभ देखिएको हो ।

हेटौंडाका १२, मनहरी गाउँपालिकाका आठ, नुवाकोट स्थायी ठेगाना भइ हेटौंडा बस्दै आएका दुई र बाँके स्थायी घर भइ हेटौंडामा कार्यरत एक प्रहरीसहित २३ जना संक्रमित थपिएको हेटौंडा उपमहानगरपालिकाका जनस्वास्थ्य निरीक्षक भोलाप्रसाद चौलागाईंले जानकारी दिए । 

चौलागाईंका अनुसार संक्रमण पुष्टि हुनेमा हेटौंडा उपमहानगरपालिका वडा नं ५ का एक, वडा नं १० का ६, वडा नं ७ का एक, वडा नं ९ का एक, वडा नं ४ का एक र वडा नं २ का एकजना रहेका छन् ।

यसैगरी मकवानपुरको पश्चिमी क्षेत्र मनहरी गाउँपालिकाका थप आठ जनामा पनि संक्रमण पुष्टि भएको छ । मनहरी गाउँपालिका वडा नं ७ का सात र वडा नं ८ का एक जनामा कोरोना संक्रमण पुष्टि चौलागाईंले जानकारी दिए ।