पोखरामा थप १३ जनामा कोरोना संक्रमण पुष्टि

गण्डकी प्रदेशको राजधानी पोखरामा थप १३ जनामा कोरोना संक्रमण पुष्टि भएको छ । गण्डकी प्रदेशको स्वास्थ्य निर्देशनालयले शनिबार दिउँसो दिएको जानकारी अनुसार ९ पुरुष र ४ महिला गरी १३ जनामा संक्रमण पुष्टि भएको हो ।

पोखरा महानगरपालिका वडा नं ८ का ३ जना महिला र १ जना पुरुषमा संक्रमण पुष्‍टि भएको छ भने वडा नं ४ र ६ का दुई-दुईजना पुरुषमा पनि संक्रमण पुष्‍टि भएको छ ।

पोखरा-५ का ३४ वर्षीय पुरुष, पोखरा-९ का ३५ वर्षीय पुरुष, पोखरा १६ र २७ का ३० वर्षीय दुईजना पुरुष तथा पोखरा(३० निवासी २७ वर्षीया महिलामा पनि संक्रमण देखिएको छ ।

संक्रमित सबैलाई आइसोलेसनमा लैजाने तयारी भइरहेको निर्देशनालयले जनाएको छ ।

योसँगै गण्डकी प्रदेशमा कुल संक्रमितको संख्या १८६८ पुगेको छ ।