अदुवाको निर्यात १७१.२ प्रतिशतले बढ्यो, ६४ करोडको नुडल्स र पास्ता विदेशियो

  • प्रकाशित मितिः असार ११, २०७५
  • 1109 पटक पढिएको
  • Mausam

नेपाल आयातमुखी अर्थतन्त्र भएको बढ्दै गएको ब्यापार घाटाले पुष्टि गर्छ । तर नेपालमा यस्ता केही नगन्य वस्तु पनि छन् जुन क्रमशः आत्मनिर्भरतर्फ लम्किरहेका छन् । अदुवा, कुखुराको मासु, कुखुरालाई खुवाउने मकैको दाना लगायतको वस्तुमा आत्मनिर्भरतर्फ नेपाल गइरहेको छ । यद्यपि, यी सामानहरू विदेशबाट भित्रन भने पूर्णरूपमा बन्द भएको छैन । 

चालु आर्थिक वर्षको दश महिनामा नुडल्स र पास्ता ६४ करोड २६ लाख रुपियाँको निर्यात भएको छ । गत वर्षको तुलनामा यो ९.३ प्रतिशतले घटेको हो । गत वर्ष ७० करोड ८८ लाख रुपियाँ बराबरको नुडल्स र पास्ता  विदेशिएको थियो । अदुवाको निर्यात भने उत्साहजनक वृद्धि भएको छ । गत वर्षको तुलनामा चालु आर्थिक वर्षको १० महिनामा १७१.२ प्रतिशतले अदुवाको निर्यातमा वृद्धि भएको छ । ५९ करोड १४ लाख रुपियाँ बराबरको अदुवा निर्यात भएको छ । गत वर्ष २१ करोड ८० लाख रुपियाँ बराबरको अदुवा निर्यात भएको थियो । यता मासुको निर्यात ६१.२ प्रतिशतले वृद्धि भएको छ । ४४ करोड ४१ लाख रुपियाँ बराबरको मासु निर्यात भएको हो । गत वर्ष २७ करोड ४४ लाख रुपियाँको मासु निर्यात भएको थियो । 

गत आर्थिक वर्षको (२०७३/७४) १० महिनामा १ अर्ब १८ करोड १६ लाख रुपियाँको फेल्ट निर्यात भएकोमा चालु आवको १० महिनामा ७.१ प्रतिशतले निर्यात बढेर १ अर्ब २६ करोड ५१ लाख रुपियाँ पुगेको छ । यस्तै चिया निर्यात पनि २२.६ प्रतिशतले बढेको छ । अलैँचीको निर्यात पनि २२.७ प्रतिशतले वृद्धि भएको छ । 

धागो, छुर्पी र मासुमा आत्मनिर्भर बन्दै   
पछिल्ला वर्षहरूमा धागो, छुर्पी  कुखुराको मासु, फेल्टका सामानलगायत उल्लेख्य रूपमा निर्यात भइरहेको व्यापार निकासी तथा प्रवद्र्धन केन्द्रले जनाएको छ । फेल्टका सामानहरूको माग युरोपियन युनियन र अमेरिकातर्फ बढी भएकाले त्यतैतिर निकासी भइरहेका छन् भने नेपाली धागोको टर्कीमा र मासु भियतनाममा बढी माग भइरहेको ब्यापार निकासी तथा प्रवद्र्धन केन्द्रले जनाएको छ । 

नेपालका प्रमुख व्यापारिक साझेदार देशमध्ये निर्यातका प्रमुख गन्तव्यमा भारततर्फ अलँैची, जुस, कपडा, धागो, फलाम तथा स्टिलका उत्पादन, जुत्ता, रोजिन र रेजिन  एसिड, जुटका बोरा, झोला प्रमुख रूपमा निर्यात भइरहेको छ  । यसैगरी नेपालबाट यूएसएतर्फ जाने सामानहरूमा उनीको गलैँचा, तयारी पोसाक,  पस्मिना, छुर्पी, हस्तकलाका सामान प्रमुख रूपमा निर्यात हुन्छन् । यस्तै जर्मनीतर्फ फेल्टका सामान, चिया, टोपी, सुतीका झोला, ट्रान्सफर्मर निर्यात हुन्छन् ।  यस्तै नेपालको प्रमुख साझेदारमध्ये एक यूकेतर्फ ऊनीको गलैँचा, पस्मिना, हस्तकलाका सामान, तयारी चाउचाउलगायत निर्यात हुन्छन् । 

ब्यापार निकासी प्रवद्र्धन केन्द्रका  विमल नेपाल कतिपय वस्तुहरूमा आत्मनिर्भर हुने सम्भावना भए पनि वैदेशिक रोजगारमा जानेक्रम बढेपछि भएका जनि बाँझै रहेकाले पनि आत्मनिर्भर हुन नसकिरहेको बताउँछन् ।  उनी भन्छन्, ‘मानिसहरू आफ्ना भएका जमिन बाँझो राखेर विदेशीनेक्रम बढ्दै भएको छ  भने धेरैजसो बस्ती विकासका लागि भन्दै प्लटिङ गरेर खेतीयोग्य जमिन प्रयोग हुन थालेको छ । यसले पनि आत्मनिर्भर त के अलिअलि भइरहेको उत्पादन पनि घट्ने जस्तो देखिन्छ ।’  

सरकारले आगामी पाँच वर्षभित्र कृषि उत्पादकत्व दोब्बर बनाउने लक्ष्य लिएको छ । क्रमशः व्यापारघाटा कम गर्ने भनेको छ । बढ्दो परनिर्भरता र घट्दो जनशक्तिले सरकारको लक्ष्य निकै चुनौतीपूर्ण देखिएको छ । आयात ९३.७ प्रतिशत छ भने निर्यात जम्मा ६.३ प्रतिशत रहेको चालु आवको (२०७४/७५) १० महिनाको तथ्याङ्कमा छ ।  

 

प्रतिक्रिया दिनुहोस

समय नेटवर्क मिडिया प्रा.लि. इटहरी उपमहानगरपालिका, सुनसरी, कोशी, नेपाल

फोन नं.: ९८४२५५३५५५, ०२५–५८७३८४

मोबाइल नं.: 9842553555

सूचना विभाग दर्ता नं.: 1366/75-76

प्रेस काउन्सिल दर्ता नं.: 663/2075-076

इमेल: [email protected] / [email protected] / [email protected]


समय नेटवर्क मिडिया प्रा.लि द्वारा संचालित टिमहरु

अध्यक्ष

नारण प्रसाद तिवारी (सानु)

प्रबन्ध निर्देशक

जीवन फुयाल

प्रधान सम्पादक

हेमराज दाहाल

सम्पादक

निशा निरौला

कार्यकारी सम्पादक

हेमन्त खड्का

फोटो पत्रकार

नविन बस्नेत

बाजार व्यवस्थापक

सागर भट्टराई

उर्लावारी संवाददाता

किरण निरौला

बेलबारी संवाददाता

हिमांशु राय

धनकुटा संवाददाता

नगेन्द्र फुयाल

डेस्क रिपोटर

रमेश लुइटेल(अवि)

लेखक

विरेन्द्र कार्की

सल्लहकार

सन्देश श्रेष्ठ, आकाशहाङ लिम्बु, बलराम आचार्य, रियन्द्र गुरागाई, विकास भट्टराई, तेजबहादुर पुरी, डा. राजेन्द्र पोखरेल, देशबन्धु कार्की

कम्पनी दर्ता प्रमाणपत्र नं.: २०५७२३/७५/७६ / स्थायी लेखा नं.: ६०६५२१६७९

Copyright © 2017 / 2024 - Samayaonline.com All rights reserved