ह्यात्रुङ झरनामा आउन थाले पर्यटक

तेह्रथुम, १२ असार । तेह्रथुमको फेदाप गाउँपालिकामा रहेको दक्षिण एसियाकै अग्लो ह्यात्रुङ झरनामा वर्षा याम सुरूभए संगै पानीको बहाव बढेपछि आन्तरिक पर्यटकको भीड लाग्न थालेको छ ।

वर्षातको समयमा झरनामा पानीको मात्रा बढेपछि स्थानीय पर्यटकलाई यसले थप आकर्षण गरेको हो । झरना हिउँद याममा सुख्खा रहेपनि बर्षाले पानीको मात्रा बढाएपछि अत्यन्तै आकर्षक र मनमोहक देखिन थालेको छ ।

फुर्सदक‍ो समय तथा विदाको दिन झरनाको प्राकृतिक वातावरणमा रमाउनेको भीड बढ्न थालेको छ । झरनाबाट झरेको पानीको छाँगामा रुज्न, खेल्न र हेर्न आउने आन्तरिक पर्यटकहरूको संख्यामा वृद्धि भएको झरना अवलोकनमा पुग्नुभएका टासि लामाले बाउनुभयो ।

ह्यात्रुङ झरनाको दृष्यवोलक गर्न झरनाको पुलमा जम्मा भएका अान्तिरक पर्यटकहरू ।

अार्थिक समृद्धिको लागि ठूलो सम्भावना बोकेको ह्यात्रुङ झरना, विकास, संरक्षण, संम्बर्धन र प्रचारप्रसार हुन नसक्दा अझै अोझेलमा रहेको छ । प्राकृतिक झरनाले पर्यटकलाई आकर्षण गरे पनि झरना वरिपरि पर्यटकीय पूर्वाधार र संरचना निर्माण तथा पर्याप्त प्रवद्र्धनमा सम्बन्धित निकायले चासो दिएको छैन । वर्षातको समयमा ग्रामीण सडक हिलाम्मे हुदाँ झरनासम्म पुग्न आठराई र फेदाप गाउँपालिकाबाट पदैल यात्रा गर्नुपर्ने नै हुन्छ ।

तेह्रथुमका पर्यटकीय गन्तव्य मध्ये झरना धेरैको रोजामा पर्दछ । झरनामा पुगेर पर्यटक आनन्द लिने गर्दछन् । उक्त झरनाको पूर्वाधार विकास, प्रचार र प्रवद्र्धन गर्नसके थप पर्यटक भित्र्याउन सकिने स्थानीय बताउँछन् ।

तेह्रथुम सदरमुकाम म्याङ्लुङ र आठराई संक्रान्ती बजार प्रवेश गर्ने जो कोहीलाई पनि यो झरनाले आकर्षित गर्न थालेको छ । झरनामा तेह्रथुम, पाँचथर, ताप्लेजुङ, धनकुटा, झापालगायत ठाउँबाट मनोरञ्जनका लागि आन्तरिक पर्यटक आउने गर्दछन् ।