समूह चरणबाटै बाहिरिने संघारमा रहेको अर्जेन्टिना विश्वकपको अन्तिम १६ मा पुगेपछि कप्तान लियोनल मेस्सीलाई राहत मिलेको छ । उनका फ्यानहरु भावुक भएका छन् ।
मध्यरातमा सुरु भएको खेलको १४ औं मिनेटमा मेस्सीले गोल गर्दा विश्वभरका खेलप्रेमीहरु एकैपटक चिच्याएका थिए । कतिले भावुक बनेर आँशु झारेका थिए । यो विश्वकपमा मेस्सीको पहिलो गोल थियो । योसँगै अर्जेन्टिनाले दुई गोल गर्यो ।
अन्तिम पाँच मिनेटमा रोजोले गाब्रिअल मिकार्डाको क्रसमा गोल गर्दै टोलीलाई उकासेका थिए ।
त्यसअघि भिक्टोर मुसाले पेनाल्टी मार्फत गोल गर्दै मेस्सीले दिलाएको सुरुआती अग्रता बराबरीमा ल्याएका थिए । खेलपछि सञ्चारकर्मीहरुलाई प्रतिक्रिया दिदैँ मेस्सीले जितसँगै ठूलो राहत मिलेको बताएका छन् ।
‘एकदमै अप्ठारो परिस्थिती थियो, हामीलाई निकै पीडा भयो,’ मेस्सीले भने, ‘जितसँगै हामीलाई ठूलो राहत मिलेको छ ।’
प्रशिक्षक जर्ज साम्पोलीले स्टार खेलाडी मेस्सीको प्रदर्शनको प्रशंशा गरेका छन् ।
साम्पोलीले भने, ‘यो जित मेस्सीका लागि धेरै महत्वपूर्ण छ । उनी एउटा त्यस्तो मान्छे हो, जसले अर्जेन्टिनालाई महसुस गरेको छ, रोएको छ, पीडाहरु भोगेको छ, जो अर्जेन्टिना जित्दा सबैभन्दा बढी खुशी हुन्छ । म मेस्सीलाई राम्रोसँग चिन्छु । मैले उनलाई हास्दा, निराश हुँदा, संकटमा हुँदा र राम्रा क्षणहरुमा देखेको छु ।’
फुटबल प्रतियोगिता सकिँदासम्ममा इटहरीमा अर्जेन्टिनाका नेपाली फ्यानहरु झण्डा बोकेर सडकमा मेस्सीको नारा लगाउँदै हिडेका थिए । मेस्सीको प्रेरणामा अर्जेन्टिनाले जितिरहँदा नेपाली दर्शकहरुले आफू भावुक बनेको भन्दै फेसबुक स्टाटसहरु लेखेका छन् :
