पश्चिमी वायुको प्रभाव कायमै : तराइमा बाक्लाे हुस्सु , हिमालि भेगमा हिउ पर्ने सम्भावना

काठमाडाैं ।  अहिले बिहान देशका हिमाली र पहाडी भू–भागमा आंशिक बदली छ ।अहिले पश्चिमी वायुको सामान्य प्रभाव परिरहेकाले चिसो बढ्दै गएको मौसम पूर्वानुमान महाशाखाले जनाएको छ । पश्चिमी तथा मध्यतराईका जिल्लामा बाक्लो हुस्सु लागिरहेको छ । हिमाली भू–भागमा हल्का देखि मध्यम हिमपात भइरहेको छ ।

दिउँसो प्रदेश १ र वाग्मतीका पहाडी तथा हिमाली भू–भागहरूमा आंशिकदेखि सामान्य बदली रहनेछ । अन्य प्रदेशका उच्च पहाडी तथा हिमाली भू–भागमा आंशिक बदली रहने महाशाखाले जनाएको छ ।

राति प्रदेश १, वाग्मती र गण्डकी प्रदेशमा आंशिकदेखि सामान्य बदली तथा बाँकी भू–भागमा आंशिक बदली रहने छ । प्रदेश १, वाग्मती र गण्डकीका उच्च पहाडी तथा हिमाली भू–भागका हिमपातको सम्भावना छ ।