यसअघि मिस मेची प्रतियोगिता गर्दै आएको उक्त संस्थाले यो पटकदेखि प्रदेशस्तरीय प्रतियोगिता गर्ने भएको हो ।
झापा, मोरङ, सुनसरीलगायत प्रदेश १ का सहभागिलाई समेटेर कार्यक्रम गर्न लागेको हो । प्रतियोगिताका विजेता र रनरअप सिधै मिस नेपालमा सहभागि हुन पाउने भएकोले प्रतियोगिताको स्तर मिस नेपालको झै हुने आयोजक समुहका प्रनित पुडासैनीले जानकारी दिए ।
२४ वर्ष उमेर समुहले भाग लिन पाउने आयोजकले जनाएको छ । असार १७ गतेबाट छनोट सुरु हुने निर्देशक सरोज खरेलले जानकारी दिए । प्रतियोगितामा प्रथम हुनेले ५० हजार, दोश्रोले २० हजार र तेस्रोले १५ हजार नगद पुरस्कार पाउने छन् । विजयी प्रतियोगिलाई छात्रवृत्तीकोसमेत व्यवस्था रहेको आयोजकले जनाएको छ ।
मिस एसइइ प्रदेश १, २०१८ की विजयी स्नेहा संग्रौलाले प्रतियोगीहरूको क्षमता विकासमा यस्ता कार्यक्रम महत्वपुर्ण हुने बताइन् ।
विभिन्न ब्युटी पेजेन्ट प्रतियोगिताका विजेताहरुले पुरस्कार नपाएको गुनासो गरिरहँदा आफूहरुले भने विजेता घोषित भएको भोलिपल्टै पुरस्कार दिने गरेको पुडासैनीले बताए ।