सोलुखुम्बुमा जिप दुर्घटना

सोलुखुम्बुको नेचा सल्यानमा आज बिहान भएको जीप दुर्घटनामा ६ जनाको मृत्यु भएको छ । दुर्घटनामा १ जना घाइते भएका छन् । 

यस अघि राष्ट्रिय समाचार समितिले सात जनाको मृत्यु भएको बताएको थियो । 

शुक्रबार बिहान नेचा सल्यानबाट काठमाडौं जाँदै गरेको ना. ज १८६० नम्बरको जीप दुर्घटना भएको हो ।

दुर्घटनामा उदयपुर सिरिषेका जीप चालक २१ बर्षिय कुसाङ तामाङसहित ५ जना यात्रुको मृत्यु भएको हो । 

जिल्ला प्रहरी कार्यालय सोलुखुम्बुका प्रहरी निरीक्षक प्रधुम्न अधिकारीका अनुसार दुर्घटनामा मृत्यु हुने यात्रुहरुमा सिराहा चनौठा १ का ३६ बािर्षय शिवकुमार यादव, खोटाङको खाल्डे गाउपालिका ८ का २४ बािर्षय कोपीला बस्नेत– कार्की), सोलुखुम्बु नेचा  गाउँपालिका २ का उर्मिला बस्नेत, सोही स्थानकी सुशीला खड्का र ओखलढुङगा माम्खा ५ का श्यामकुमार रहेका छन् । 

दुर्घटनामा गम्भीर घाइते भएकी करिव ८ बर्षिया बालिका सुस्मा खड्काको जिल्ला अस्पतालमा उपचार हुन नसकेपछि काठमाडौ ल्याउने तयारी भइरहेको छ । 

तिङ्ला र सल्यानको सिमानामा पर्ने गुप्तेश्वर महादेवको मन्दिर नजिकबाट जीप करिब ५ सय मिटर तल खसेको प्रहरीले जनाएको छ । 

दुर्घटनाको कारण खुल्न नसकेपनि पानी परेर बाटो हिलो भएकाले दुर्घटना भएको हुन सक्ने प्रहरीको प्रारम्भिक अनुमान रहेको छ ।