एमसिसीमा देउवाको दौडधुप, पार्टी र सरकारमा छलफल तीव्र

काठमाडाैं । प्रधानमन्त्री शेरबहादुर देउवा आउँदो प्रतिनिधिसभा बैठकमा मिलेनियम च्यालेन्ज कम्प्याक्ट (एमसिसी) परियोजना टेबुल गराउने प्रयासमा सक्रिय भएका छन् । 

उनले ‘जसरी पनि’ एमसिसी संसद्मा टेबुल गराउन पार्टी र सरकारभित्र आन्तरिक तयारी तीव्र बनाएका हुुन् । 

यसक्रममा देउवाले सत्ता गठबन्धन दलका शीर्ष नेतामात्र होइन, आफ्नै दल नेपाली काङ्ग्रेस नेताहरूसँग पनि आन्तरिक छलफल गरिरहेका छन् ।

उनले केहीबेरअघि आफ्नै दलका नेताहरू बालकृष्ण खाँण, ज्ञानेन्द्रबहादुर कार्की, दिलेन्द्र बडू, पुष्पा भुसाललगायतसँग एमसिसीबारे छलफल गरेको बालुवाटार स्रोतले जनाएको छ । 

छलफलका लागि देउवाले ती नेतालाई बालुवाटार बोलाएका थिए । देउवाले एमसिसी टेबुल गराउने वातावरण तयार गर्न नेताहरूलाई निर्देशन दिएको सहभागी एक नेताले जानकारी दिए ।