फिल्म निर्माणमा सहकार्य गर्दै नीर शाह र तुलसी घिमिरे

दुई वरिष्ठ फिल्म निर्माता तथा निर्देशक नीर शाह र तुलसी घिमिरेले एक अन्तर्राष्ट्रिय फिल्म निर्माणमा सहकार्य गर्ने भएका छन् । घिमिरेले निर्देशन गर्ने फिल्मको निर्माणमा नीर शाह फिल्म्स र घिमिरेकै प्रोडक्सन कम्पनीले सहकार्य गर्ने टुंगो लागेको छ ।

यसैसाता राजधानीमा आयोजित निफ फिल्म फेस्टिभलको पत्रकार सम्मेलनमा शाह र घिमिरेले आफूहरुले सहकार्य गर्न लागेको खुलासा गरेका हुन् । दुवै जनालाई फिल्म निर्माणमा यथार्थवादी स्कुलको प्रवर्द्धन गर्ने अभियन्ताको रुपमा समेत लिइन्छ ।

हामीले बनाउन लागेको फिल्म कलात्मक अभिव्यक्ति गर्ने क्लासिक पनि हुनेछ । यसका आफ्नै खाले दर्शक पनि छन्,’ शाहले भने । फिल्मको विषयवस्तु घिमिरेकै शैलीसँग मिल्ने भएकाले पनि उहाँले नै निर्देशन गर्नुहुनेछ,’ शाहले जनाए ।

अहिले स्क्रिप्ट लेखनकै चरणमा रहेको प्रोजेक्टले आगामी दुई सातासम्म आकार लिने समेत शाहले जनाए ।

निर्देशक घिमिरेले पनि अन्तर्राष्ट्रिय बजारमा प्रवर्द्धन गर्ने उद्देश्यले शाह र आफूले सहकार्य गर्न लागेको  समय अनलाईन सग बताए ।