नेपाल पत्रकार महासंघले सदस्य शुद्धीकरणका नाममा कसैलाई काखा र कसैलाई पाखा

  • प्रकाशित मितिः आश्विन १, २०८०
  • 240 पटक पढिएको
  • समय अनलाइन

 सुनसरी  इटहरी  /नेपाल पत्रकार महासंघले सुरु गरेको सदस्यता शुद्धीकरण अभियानलाई नेपाल प्रेस युनियन कोशी प्रदेश कार्यसमितिले नजिकबाट निकालिरहेको छ ।

शुद्धीकरणका नाममा कसैलाई काखा र कसैलाई पाखा गर्ने कार्य कहीँबाट भए नेपाल प्रेस युनियन कोशी प्रदेश कार्यसमितिलाई मान्य हुनेछैन । शुद्धीकरण अभियानलाई सफल बनाउन युनियनले जिल्ला, प्रदेश र केन्द्रसम्म सकारात्मक भूमिका निर्वाह गरिरहेको छ ।

प्रदेशका विभिन्न जिल्लाहरूबाट आएका सिफारिसमा महासंघ प्रदेश समितिले पक्षपातपूर्ण ढंगबाट केन्द्रमा नामावली सिफारिस गरेको भन्ने व्यापक गुनासो युनियनसमक्ष आएको छ । तसर्थ, जिल्लाबाट सिफारिस भएर आएका सबै नाम केन्द्रमा पठाउन आग्रह गर्दछौँ ।

खासगरी महासंघले जारी गरेको १५ बुँदे मापदण्डलाई आधार बनाएर जिल्ला र प्रदेशले सदस्यता शुद्धीकरण गर्नुपर्ने भएपनि त्यस विपरीत कसैलाई काखा र कसैलाई पाखा गरिएको पाइएको छ । जिल्लाबाटै सिफारिस नभएका नाम नेपाल पत्रकार महासंघ कोशी प्रदेश कार्यसमितिले सदस्यता नामावलीमा सिफारिस गर्ने र जिल्लाले पठाउँदै नपठाएका र केही निष्क्रियहरूलाईसमेत महासंघ प्रदेश समितिले पुनः सदस्यता दिने कुरामा नेपाल प्रेस युनियन प्रदेश कार्यसमितिको गम्भीर ध्यानाकर्षण भएको छ ।

साथै, नेपाल पत्रकार महासंघ जिल्ला कार्यसमितिहरूले पठाएका नामहरू हुबहु केन्द्रमा पठाउन प्रदेश समितिलाई आग्रहसमेत गर्दछौँ । जबरजस्ती भागबण्डाका नाममा प्रेस युनियनमा आबद्ध पत्रकारहरूलाई सदस्यबाट बाहिर राख्ने कार्य भएमा युनियनलाई मान्य हुनेछैन ।

पत्रकार महासंघ कोशी प्रदेश समितिलाई छुटेका नामावलीलाई केन्द्रमा सिफारिस गर्न आग्रह गर्दछौं । यदि, युनियनमा आवद्ध पत्रकारहरूलाई राजनीतिक भागबण्डाका आधारमा काखा–पाखा गरेको पाइएमा र पक्षपातपूर्ण व्यवहार गरेर सदस्यताबाट वञ्चित गर्ने कार्य भएमा कडा आन्दोलनमा उत्रिनेसमेत चेतावनी दिन चाहछौं ।

पछिल्लो समय नेपाल पत्रकार महासंघ कोशी प्रदेश समितिले शुद्धीकरणको नामावली केन्द्रमा पठाएको विषयलाई लिएर केही पेशागत संगठनहरूले महासंघको कार्यालयमा गरेको तालाबन्दीप्रति पनि हाम्रो गम्भीर ध्यानाकर्षण भएको छ । समस्याको समाधान तत्काल वार्ता र छलफलबाट गर्न युनियन जोडदार मागसमेत गर्दछ ।

जय नेपाल ।

सञ्जीव वाग्ले                          मीनकुमार नवोदित
महासचिव                                     अध्यक्ष

प्रतिक्रिया दिनुहोस

समय नेटवर्क मिडिया प्रा.लि. इटहरी उपमहानगरपालिका, सुनसरी, कोशी, नेपाल

फोन नं.: ९८४२५५३५५५, ०२५–५८७३८४

मोबाइल नं.: 9842553555

सूचना विभाग दर्ता नं.: 1366/75-76

प्रेस काउन्सिल दर्ता नं.: 663/2075-076

इमेल: [email protected] / [email protected] / [email protected]


समय नेटवर्क मिडिया प्रा.लि द्वारा संचालित टिमहरु

अध्यक्ष

नारण प्रसाद तिवारी (सानु)

प्रबन्ध निर्देशक

जीवन फुयाल

प्रधान सम्पादक

हेमराज दाहाल

सम्पादक

निशा निरौला

कार्यकारी सम्पादक

हेमन्त खड्का

फोटो पत्रकार

नविन बस्नेत

बाजार व्यवस्थापक

सागर भट्टराई

उर्लावारी संवाददाता

किरण निरौला

बेलबारी संवाददाता

हिमांशु राय

धनकुटा संवाददाता

नगेन्द्र फुयाल

डेस्क रिपोटर

रमेश लुइटेल(अवि)

लेखक

विरेन्द्र कार्की

सल्लहकार

सन्देश श्रेष्ठ, आकाशहाङ लिम्बु, बलराम आचार्य, रियन्द्र गुरागाई, विकास भट्टराई, तेजबहादुर पुरी, डा. राजेन्द्र पोखरेल, देशबन्धु कार्की

कम्पनी दर्ता प्रमाणपत्र नं.: २०५७२३/७५/७६ / स्थायी लेखा नं.: ६०६५२१६७९

Copyright © 2017 / 2024 - Samayaonline.com All rights reserved