श्री निवास आचार्य पक्राउ परेका छन

जिल्ला प्रहरी कार्यालय सुनसरीका अनुसार केहीदिन पहिले मधेस प्रदेशको जनकपुरमा एक कार्यक्रमबीच आचार्यले हिंसात्मक अभिव्यक्ति दिएका थिए । उत्तेजक अभिव्यक्ति दिएर र हिंसा मच्चाउन खोजेको आरोपमा श्री निवास पक्राउ परेका छन् ।
उनलाई सुनसरीको प्रकाशपुरबाट केन्द्रीय अनुसन्धान  ब्युरो र क्षेत्रीय अनुसन्धान ब्युरो रिटको टोलीले पक्राउ गरेको हो ।
उनले १ साता अघि गौ हत्याको विषयमा हिंसात्मक अभिव्यक्ति दिएका थिए ।
सोही अभिव्यक्तिलाई लिएर जिल्ला प्रहरी कार्यालय धनुषाले पक्राउ पुर्जी जारी गरेको प्रहरीले जनाएको छ । उनलाई भोलि धनुषा पठाइने प्रहरीले बताएको छ ।
सुनसरीको प्रकाशपुर आश्रममा बस्दै आएका आचार्य यस अघि आफैलाई गोली हान्न लगाइ धार्मिक द्वेष फैलाउन खोजेको अभियोगमा पक्राउ परेका थिए ।