द याेङ्ग ब्रदर्स क्लब इटहरीले स्व. कृष्णप्रसाद भट्टराईको स्मृतिमा गाेल्डकप फुटबल प्रतियोगिता गर्ने

प्रकाशित मितिः पुस १३, २०८०
1649 पटक पढिएको
जीवन फुयाल

इटहरी /द याेङ्ग ब्रदर्स क्लब इटहरीले स्व. कृष्णप्रसाद भट्टराईको स्मृतिमा गाेल्डकप फुटबल प्रतियोगिता गर्ने भएको छ। माघ १३ गते देखि जनता बहुमुखी क्याम्पसकाे खेल मैदानमा प्रतियोगिता हुने भएको हाे।

आयाेजक द याेङ्ग ब्रदर्स क्लब इटहरीले शुक्रबार इटहरीस्थित दुर्गा पार्टी प्यालेसमा पत्रकार सम्मेलन गर्दै प्रतियोगिता बारे जानकारी गराएकाे हाे।

नेपालका प्रजातान्त्रिक याेद्दा एवम् सन्त नेता स्व. कृष्णप्रसाद भट्टराईको स्मृतिमा हुने काेसी प्रदेश स्तरीय गाेल्डकप फुटबल प्रतियोगितामा काेसी प्रदेशका आठवटा टिमले भाग लिने आयाेजक समितिका संयाेजक बिकास केसीले पत्रकार सम्मेलनमा जानकारी दिनुभयो ।