धरानबाट काँकडभिट्टा हिँडेको बस झापामा दुर्घटना, २१ जना घाइते, घाइते अधिकांश

झापा : झापाको कमल गाउँपालिका वडा नम्बर ४ चुलाचुली मोडस्थित पूर्वपश्चिम राजमार्गमा भएको सवारी दुर्घटनामा २१ जना यात्रु घाइते भएका छन् ।

आज बिहान सवा ७ बजेको समयमा झिलझिलेबाट दमकतर्फ जाँदै गरेको बा ३ ख २१६६ नम्बरको ट्रिपर र विपरीत दिशा तर्फबाट आउँदै गरेको धरानबाट काँकडभिट्टाका लागि हिँडेको को १ ख ५०८७ नम्बरको चन्द्रमा यातायात नामक यात्रुवाहक बस एक आपसमा ठक्कर खाई दुर्घटना भएको हो ।

दुर्घटनामा बसमा सवार २१ जना यात्रुहरू घाइते भएका छन् । उनीहरूलाई उपचारको लागि विभिन्न अस्पतालमा भर्ना गरिएको छ ।

घाइते हुनेहरूमा झापा कमल गाउँपालिका ४ बस्ने वर्ष ३८ की बिनु लिम्बू, झापा दमक नगरपालिका ५ बस्ने वर्ष ४२ का कलिन्द्र शेर्मा, मोरङ मधु मल्लाकी कल्पना कटुवाल, उनकै छोरा नामथर नखुलेको अन्दाजी ४-५ वर्षका बालक, मोरङ पथरी शनिश्चरे नगरपालिका १ बस्ने वर्ष ४० की पूर्णमाया पोखरेल, झापा दमक ८ बस्ने वर्ष ५१ का होमबहादुर भट्टराई, सुनसरी इटहरी उपमहानगरपालिका ५ बस्ने वर्ष ३८ की शारदा खड्का, झापा दमक ५ बस्ने वर्ष ४५ का अच्युत निरौला, कमल गाउँपालिका ५ बस्ने वर्ष ३८ की लीला चौहान, दमक नगरपालिका १ बस्ने वर्ष ३५ का राजु कडरिया, झापा गौरादह नगरपालिका ४ बस्ने वर्ष ३० का दुर्गाबहादुर श्रेष्ठ, मोरङ उर्लाबारी नगरपालिका ७ बस्ने वर्ष ५० का कृष्णकुमार तामाङ, दमक नगरपालिका ८ बस्ने वर्ष ६५ का भरत ढकाल, दमक नगरपालिका १ बस्ने वर्ष ४६ की बबिता राई, दमक नगरपालिका ४ बस्ने वर्ष ३० की भारती मगर, कमल गाउँपालिका ५ बस्ने वर्ष ४० का लक्ष्मी सुब्बा,  बिर्तामोड नगरपालिका ४ बस्ने वर्ष २१ का कर्णबहादुर राजवंशी, भोजपुर ट्याम्केमैयुम गाउँपालिका ४ बस्ने वर्ष ४५ की चरित्र राई, मोरङ पथरीशनिश्चरे नगरपालिका १ बस्ने वर्ष ६५ का टङ्कप्रसाद चुँडाल, उनकै छोरी वर्ष १५ की क्याटरिना चुँडाल रहेका छन् ।