भ्रष्टाचार लुकाउन पौवादुङमा गाउँपालिकाद्वारा दलिय भागबण्डामा कर्मचारी नियुक्ति ।

भोजपुर  /पौवादुङमा गाउँपालिकालेआफ्ना अनियमितता तथा भ्रष्टाचारमा प्रतिपक्षी दलहरूबाट आउनसक्ने अबरोध रोक्न फरक दलका दुई कार्यकर्तालाई रोजगारी प्रदान गरेको छ
गाउँपालिकाले 'खेलकुद बिकास समिति ऐन' जारी गर्दै उक्त ऐनमा आफैले खेलकुद बिकास समिति गठन र प्रशिक्षक नियुक्त गर्न पाउने ब्यबस्था राख्दै प्रतिपक्षी दल नेपाली काङ्ग्रेस आबद्ध दिपक आलेमगरलाई खेलकुद प्रशिक्षकमा नियुक्त गरेको छ। खेलकुदका निमित्त मापदण्ड अनुरुपको खेलमैदान समेत नरहेको तथा अन्य आधारभूत आबस्यकता समेत पुरा गर्न नसकिरहेको अबस्थामा आफ्नो पक्ष बलियो बनाउनका निमित्त नयाँ पद नै खडा गरि यसरी काङ्ग्रेस कार्यकर्तालाइ रोजगारी प्रदान गरिएको छ । त्यसैगरी काठमाडौंका मेयर बालेन साहको "काले काले मिलेर खाऔ भाले" भन्ने भनाइलाइ चरितार्थ गर्दै अफ्ना कर्तुतहरु बाहिर नआउन भनी मुख बुझो लगाउन एकीकृत माओवादी नेता नगेन्द्र भुजेलकी बहिनी , ओमप्रकाश भुजेलकी छोरी तथा स्थानीय माओवादी नेता इन्द्रहाङ राइकी श्रीमती शर्मिला भुजेललाइ सामान्य मापदण्ड पूरा गरि बिना प्रतिस्पर्धा शिक्षिकाको रुपमा नियुक्त गरिएको बुझिएको छ।
हालसालै डार्क फाइल अभियानले सामाजिक सन्जाल फेसबुक मार्फत गराएको जानकारी अनुसार गाउँपालिकाले तत्कालिन पुर्ब प्रधानमन्त्री एवम एमाले नेता केपी ओली स्वागतमा पाँच लाख बिनियोजन गरि बजेट दुरुपयोग गरेको बुझिएको छ।( स्मरण रहोस सोही मर्यादाक्रमका ब्यक्ति डा.बाबुराम भट्टराई आउँदा गाउँपालिकाले एक साधारण कार्यक्रम गरि बिदाइ गरेको थियो।) त्यस्तै आर्थिक बर्ष २०७९/८० र २०८०/८१ मा गड्यौलामल उत्पादन र वितरणमा गाउँपरिषदबाट बजेट छुट्याइ गरिएको काममा एमाले सदस्य तथा गाउँपालिका अध्यक्ष किरण राई,सोही पार्टीकि सदस्य एवम गाउँपालिका उपाध्यक्ष ज्योत्सना राई, प्रमुख प्रशासकिय अधिकृत नवीन भट्टराई लगायतको समेत संलग्ग्नतामा विभिन्न शिर्षकमा भ्रस्टाचार भएको बुझिएको छ।
त्यस्तै स्थानीयहरुका अनुसार अरुणडाडा पर्यटकीय स्थल निर्माणमा गुणस्तरहिन फाइबरका मुर्तिहरु राखी उक्त मुर्ति आयातमा समेत भ्रष्टाचार गरेको हुनसक्ने, साधारण कामको समेत डिपिआर तयार गरि त्यहाबाट समेत कमिसन लिएको हुनसक्ने सम्भावना रहेको भएपनी आफुहरु सङ्ग त्यसको ठोस प्रमाण भने नरहेकोले यसमा आधिकारिक रुपमा ठोकुवासाथ भन्न चाहिँ नसकिने बताएका छन। स्थानीय च्याङ्ग्रे बजारमा पुरातात्त्विक महत्त्वका रुपमा रहदै आएको पन्चकन्या च्याङ्ग्रे पोखरीको अस्तित्व जोखिम समेत बिस्तृत अध्ययन नगरी त्यसको १०० मिटर भन्दा कम दुरीमा मापदण्ड समेत पूरा नभएको फुटबल खेलमैदानमा ठूलो रकम समेत खर्चिएको बुझिएको छ। पुरातात्त्विक महत्त्वका रुपमा रहदै आएको च्याङ्ग्रे पोखरीलाई निर्माणका नाममा बर्षौदेखी अलपत्र पारेर छोड्नु पर्यटनकै नाममा खोला नभएको ठाउँमा बजारमा पुल लगाउनु जस्ता कार्यले बिकास तथा बजेट जनमुखी नभई सिमित स्वार्थमा अगाडी बढिरहेकोले भबिस्यमा अन्य दलबाट आउनसक्ने खतरा न्यूनीकरण गर्न पालिकाले फरक दलका कार्यकर्तालाई कर्मचारी नियुक्ति गरेको स्थानीयहरुको अअरोप रहेको छ।