माग्ने बुढा, अनमोल र जसिताले लुक्लामा यसरी गर्दैछन् ‘जेरी अन टप’को छायांकन

 २०८१ मंसिर ७ गते १५:२०

काठमाडौं । फिल्म ‘जेरी अन टप’को आधा छायांकन सकिएको छ । यतिबेला यो फिल्मको छायांकन लुक्लामा भैरहेको छ । सबै कलाकार यतिबेला लुक्लामा छन् ।

लुक्ला विमानस्थलमा भैरहेको छायांकनका केही तस्वीर प्राप्त भएका छन् । जहाँ केदारप्रसाद घिमिरे ‘माग्ने बुढा’, अनमोल केसी र जसिता गुरुङलाई देख्न सकिन्छ । जहाजबाट ओर्लिएर हिँडेको क्यारेक्टर लुक्समा यी कलाकारलाई देख्न सकिन्छ । ब्याकप्याक बोकेर रमाउँदै हिँडेको भावमा फोटो देखिन्छ ।

निर्माता सरोज न्यौपानेले अझै एकसाता लुक्ला क्षेत्रमा छायांकन चल्ने बताए । सुयोग गुरुङले निर्देशन गरिरहेको फिल्मले यात्राको क्रममा हुने सम्बन्धको कथा पेश गर्छ । लुक्लाअघि काठमाडौंमा छायांकन गरिएको थियो ।